ക്വട്ടേഷന്‍ സംഘം വെട്ടി കൊലപ്പെടുത്തിയ മുന്‍ റേഡിയോ ജോക്കി രാജേഷിന്റെ ഭാര്യ പെണ്‍കുഞ്ഞിന് ജന്മം നല്‍കിയപ്പോള്‍, ചിരിക്കേണ്ട സമയത്ത് എല്ലാവരുടേയും കണ്ണ് നിറഞ്ഞു. ഇതൊന്നും കാണാന്‍ രാജേഷില്ലല്ലോ എന്ന ദു:ഖം മാത്രം. ഇക്കഴിഞ്ഞ രണ്ടിന് ആറ്റിങ്ങിലിലെ സ്വകാര്യ ആശുപത്രിയിലായിരുന്നു രാജേഷിന്റെ ഭാര്യ രോഹിണി പെണ്‍കുഞ്ഞിന് ജന്മം നല്‍കിയത്. അമ്മയും കുഞ്ഞും സുഖമായി ഇരിക്കുന്നു. മടവൂര്‍ പടിഞ്ഞാറ്റേല ആശ നിവാസില്‍ രാജേഷിനെ ക്വട്ടേഷന്‍ സംഘം വെട്ടികൊലപ്പെടുത്തുമ്പോള്‍ ഭാര്യ രോഹിണി പൂര്‍ണ ഗര്‍ഭിണിയായിരുന്നു.

ഏറെ ദു:ഖിതയായിരുന്നു എങ്കിലും ഭര്‍ത്താവിന്റെ മരണം ഏല്‍പ്പിച്ച് ആഘാതം താങ്ങാന്‍ രോഹിണി ശ്രമിച്ചു. ചേട്ടന്റെ ഓര്‍മ്മകള്‍ പേറുന്ന ഈ വീട്ടില്‍ നിന്ന് ഞാന്‍ എവിടെയും പോകില്ല ഇവിടെ തന്നെ ഉണ്ടാകും എന്ന രോഹിണി മുമ്പ് പറഞ്ഞിരുന്നു. രാജേിഷിനെ കൊലപ്പെടുത്തിയവരെ നിയമത്തിന്റെ മുമ്പില്‍ കൊണ്ടു വരണം എന്ന ആവശ്യം മാത്രമാണ് ഇവര്‍ക്ക് ഉള്ളത്. രാജേഷ്‌രോഹിണി ദമ്പതികള്‍ക്ക് മൂത്ത ഒരു മകന്‍ കൂടിയുണ്ട്.