ബി ഡി ജെ എസ്സിനെ കോൺഗ്രസിലേക്ക് ക്ഷണിക്കാൻ കോൺഗ്രസ്സ് നേതൃത്വം തയ്യാറാകണമെന്നും ബി ഡി ജെ എസ്സ്, എൻ ഡി എ യിൽ നിന്ന് പുറത്ത് വരണമെന്നും മുതിർന്ന കോൺഗ്രസ് നേതാവും മുൻ കെപിസിസി ജനറൽ സെക്രട്ടറിയും , ദേവസം ബോർഡ് മുൻ അംഗവുമായിരുന്ന അജയ് തറയിൽ പറഞ്ഞു. മലയാളി വാർത്തക്ക് നൽകിയ പ്രത്യേക അഭിമുഖത്തിലൂടെ യാണ് അദ്ദേഹം ഇക്കാര്യങ്ങൾ വ്യക്തമാക്കിയത്. ബി ഡി ജെ സ്, എൻ ഡി എ യിൽ നിന്നും പുറത്തു വന്നാൽ യു ഡി ഫ്ന്റെ ഘടകകക്ഷി ആക്കുക എന്നതാണ് തന്റെ നിലപാടെന്നും അദ്ദേഹം കൂട്ടിച്ചേർത്തു.

എൻ ഡി എ യുടെ ഭാഗമായ ബി ഡി ജെ എസ്സിനെ യുഡി എഫി ലേക്ക് കൊണ്ടു വരണമെന്നാണ് എന്റെ അഭിപ്രായം. പിന്നോക്ക സമുദായത്തിന്റെ ഉന്നമനത്തിനും സാമൂഹ്യ നീതിക്കുമായി രൂപീകരി ക്കപ്പെട്ട ബി ഡി ജെ എസ് ബി ജെ പിയുമായി സഖ്യമുണ്ടാക്കിയത് നിർഭാഗ്യകരം. തെരഞ്ഞെടുപ്പ് സമയത്ത് ബി ജെ പി ക്ക് നേട്ടമുണ്ടാക്കി കൊടുക്കാൻ ബി ഡി ജെ എസ്സിന് കഴിഞ്ഞു ബി ജെ പി ക്കുളിൽ നിലനിൽക്കുന്ന സവർണ്ണാധിപത്യം ബി ഡി ജെ എസ്സിനെ കബളിപ്പിക്കുകയാണ് ഉണ്ടായത്.

പാർലമെന്റ് തെരഞ്ഞെടുപ്പ് വരാനിരിക്കുന്ന സാഹചര്യത്തിൽ ബി ഡി ജെ എസ് എൻ ഡി എ വിട്ട് പുറത്ത് വരണം. യു ഡി എഫ് നേതൃത്വം ബി ഡി ജെ എസ്സിനെ മുന്നണിയിലേക്ക് സ്വാഗതം ചെയ്യണം. കേരളത്തിൽ എൻ ഡി എ യെ തകർക്കാനും യു ഡി എഫിനെ ശക്തിപ്പെടുത്താനും ബി ഡി ജെ എസ് യു ഡി എഫിലേക്ക് വരുന്നതിലൂടെ കഴിയും.