മലയാളി വാര്ത്ത.
വിവാദങ്ങളുടെ കളിത്തോഴന് ശശിതരൂര് ഇനി ഒന്നാം സാറായി സിനിമയില് എത്തുന്നു. മോഹന്ലാലിന് പകരക്കാരനായാണ് ശശി തരൂര് എത്തുന്നത്. ഇത് ആദ്യമായാണ് ശശി തരൂര് സിനിമയില് അഭിനയിക്കുന്നത്. രാജീവ്നാഥ് സംവിധാനം ചെയ്യുന്ന ഒന്നാം സാര് എന്ന ചിത്രത്തിലാണ് ശശി തരൂര് നായകനാകുന്നത്. മോഹന്ലാലിനെയും നെടുമുടി വേണുവിനെയും മുഖ്യകഥാപാത്രങ്ങളാക്കി സംവിധാനം ചെയ്യാനിരുന്ന ചിത്രമാണ് വല്യസാര്.
മോഹന്ലാല് അവതരിപ്പിക്കാനിരുന്ന കഥാപാത്രമാണ് ശശി തരൂര് അഭിനയിക്കുന്നത്. മോഹന്ലാലും നെടുമുടിയും അച്ഛനും മകനുമായി അഭിനയിക്കാനിരുന്ന ചിത്രമാണ് ഇത്. നെടുമുടി വേണുവും ചിത്രത്തില് അഭിനയിക്കുന്നില്ല. നെടുമുടി ചെയ്യാനിരുന്ന കഥാപാത്രമായി നന്ദുവിനെയാണ് പരിഗണിക്കുന്നത്.
പൂര്ണ്ണമായും അമേരിക്കയില് ചിത്രീകരിക്കുന്ന സിനിമ ഒക്ടോബറില് ചിത്രീകരണം തുടങ്ങും.
രാഷ്ട്രീയത്തില് നിറഞ്ഞു നില്ക്കുമ്പോഴും ശശി തരൂരിന്റെ ഗ്ലാമറും പ്രശസ്തിയും എല്ലാവരേയും അസൂയാലുക്കളാക്കിയിട്ടുണ്ട്. സുനന്ദ പുഷ്കറുമായുള്ള വിവാഹം കേരളം നന്നായി ആഘോഷിച്ചതാണ്. സുനന്ദയുടെ മരണം ഇടയ്ക്ക് ശശിതരൂരിന്റെ പ്രശസ്തിക്ക് മങ്ങലേല്പ്പിച്ചിരുന്നു. കഴിഞ്ഞ ലോക്സഭാ തെരഞ്ഞെടുപ്പില് ശശി തരൂര് തോല്ക്കുമെന്ന് പ്രവചനവും സ്വന്തം പാര്ട്ടിക്കാരുടെ എതിര്പ്പും ഉണ്ടായിരുന്നെങ്കിലും ശശി തരൂരിനെ ജയിപ്പിച്ചത് അദ്ദേഹത്തെ ആരാധിക്കുന്ന ജനങ്ങളാണ് എന്നാണ് പിന്നാമ്പുറ സംസാരം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
