ഭർത്താവിന്റെ വീട്ടിൽ പോകുന്നെന്ന് പറഞ്ഞ് 24കാരി പോയത് 17കാരനായ കാമുകനൊപ്പം ജീവിക്കാൻ; താലിമാലയും മൊബൈൽ ഫോണും വിറ്റ് കിട്ടിയ കാശുമായി ഫ്ളൈറ്റിൽ കോയമ്പത്തൂരിലേയ്ക്ക്: ഒറ്റ ദിവസം ഒരുമിച്ച് കഴിഞ്ഞതോടെ കൈയിലെ പണമെല്ലാം സ്വാഹ!! ഒടുവിൽ കുഞ്ഞിനെ ഭർത്താവിന്റെ കടയിൽ ഉപക്ഷിച്ച് വീണ്ടും ഒളിച്ചോട്ടം... തേയിലത്തോട്ടത്തിലെ ഇരുവരുടെയും ചുറ്റിക്കളികണ്ട് നാട്ടുകാർ കയ്യോടെ പൊക്കിയപ്പോൾ പെൺകുട്ടിക്ക് കിട്ടിയത് കിടിലം പണി
മൂന്ന് വയസുള്ള കുഞ്ഞുമായി വടക്കാഞ്ചേരിയിൽ നിന്ന് മുങ്ങിയ കമിതാക്കൾ പിടിയിൽ. ഇതോടെ പതിനേഴുകാരനൊപ്പം ഒളിച്ചോടിയ ഇരുപത്തിനാലുകാരിയായ വീട്ടമ്മയെ പോലീസ് അറസ്റ്റ് ചെയ്തു. ചിറ്റിലഞ്ചേരി കാരക്കാംപറമ്പ് വി.കെ. നഗറില് സജിത (24)യാണ് അറസ്റ്റിലായത്. ഇന്നലെ രാവിലെ നെല്ലിയാമ്പതി കേശവന് പാറയ്ക്കു സമീപം ഇരുവരേയും സംശയാസ്പദമായി കണ്ടതിനെത്തുടര്ന്ന് തേയിലത്തോട്ടത്തിലെ തൊഴിലാളികള് ഇവരെ തടഞ്ഞുവച്ച് പാടഗിരി പോലീസില് അറിയിക്കുകയായിരുന്നു. പോലീസെത്തി ഇവരെ ആലത്തൂര് പോലീസിന് കൈമാറി.
ഈ മാസം നാലിന് ആയക്കാട് കൊന്നഞ്ചേരി തച്ചാംപൊറ്റയിലെ ഭര്ത്താവിന്റെ വീട്ടില്നിന്നു മൂന്നുവയസുള്ള മകനുമായി സ്വന്തം വീട്ടിലെത്തിയ യുവതി അഞ്ചിന് ഭര്ത്താവിന്റെ വീട്ടിലേക്ക് തിരിച്ച് പോവുന്നതിനായി ഇറങ്ങിയതായിരുന്നു. എന്നാല് ഭര്ത്താവിന്റെ വീട്ടില് തിരിച്ചെത്താത്തതിനെത്തുടര്ന്ന് യുവതിയുടെ വീട്ടുകാര് ഇവരെ കാണാനില്ലെന്ന് കാണിച്ച് ആലത്തൂര് പോലീസില് പരാതി നല്കി.
മൂന്നുവയസുള്ള മകനുമായി ചൊവ്വാഴ്ച കോയമ്പത്തൂരില് എത്തിയ യുവതിയും പതിനേഴുകാരനും മൊബൈല് ഫോണും താലിമാലയും വിറ്റുകിട്ടിയ 58,000 രൂപയും ആണ്കുട്ടി വീട്ടില് നിന്നെടുത്ത 20,000 രൂപയുമായി വിമാനത്തില് ബംഗളൂരുവിലെത്തി. അവിടെ ഹോട്ടലില് ഒരു രാത്രിയും പകലും തങ്ങിയശേഷം ബംഗളൂരില്നിന്ന് യൂബര് ടാക്സിയില് കേരളത്തില് തിരിച്ചെത്തി.
വ്യാഴാഴ്ച പുലര്ച്ചെ അഞ്ചിന് യുവതിയുടെ അച്ഛന് ജോലി ചെയ്യുന്ന ചിറ്റിലഞ്ചേരി ജങ്ഷനിലുള്ള ചായക്കടയിലെത്തി കുട്ടിയെ കട ഉടമയെ ഏല്പ്പിച്ച് വീണ്ടും നാടുവിട്ടു. തുടര്ന്നാണ് ഇവര് നെല്ലിയാമ്പതിയിലെത്തിയത്. യുവതി ഉപേക്ഷിച്ച കുട്ടിയെ ശിശുക്ഷേമ സമിതിയില് ഹാജരാക്കിയ ശേഷം അവര് ഭര്ത്താവിനെ ഏല്പ്പിച്ചു. കുഞ്ഞിനെ ഉപേക്ഷിച്ചതിന് ജുവനൈല് ജസ്റ്റിസ് ആക്ട് പ്രകാരവും പ്രായപൂര്ത്തിയാകാത്ത ആണ്കുട്ടിയെ പീഡിപ്പിച്ച കേസിലുമാണ് യുവതിയെ അറസ്റ്റ് ചെയ്തിരിക്കുന്നത്.
https://www.facebook.com/Malayalivartha
