വീടുകളിലെ വൈദ്യുതി മീറ്ററുകൾ ഇനി മുതൽ സ്മാർട്ട് പ്രീപെയ്ഡ് ആക്കി മാറ്റാൻ നീക്കം. അടുത്ത മൂന്ന് വർഷത്തിനുള്ളിൽ രാജ്യത്തെ എല്ലാ മീറ്ററുകളും സ്മാർട്ട് പ്രീപെയ്ഡ് ആക്കിമാറ്റാൻ ഒരുങ്ങുകയാണ് കേന്ദ്രസർക്കാർ. കേന്ദ്ര ഊർജ മന്ത്രി ആർ കെ സിങാണ് ഇത് സംബന്ധിച്ച പ്രഖ്യാപനം നടത്തിയത്.

മീറ്റർ നിർമാതാക്കളുടെ യോഗത്തിൽ സംസാരിക്കവെയാണ് അദ്ദേഹം ഇക്കാര്യം വ്യക്തമാക്കിയത്. ഈ സൗകര്യം നിലവിൽ വരുന്നതോടെ വീടുകളിൽ എത്തി മീറ്റർ പരിശോധിച്ച് ബിൽ നൽകുന്ന രീതി മാറ്റി പകരം സ്മാർട്ട് പ്രീപെയ്ഡ് രീതി നിലവിൽ വരുമെന്ന് അദ്ദേഹം വ്യക്തമാക്കി. ഈ മാറ്റം ഊർജമേഖലയിൽ വലിയ മാറ്റത്തിന് കാരണമാകും.