വിഴിഞ്ഞം പദ്ധതി സംസ്ഥാനത്തിന്റെ താല്പര്യത്തിനനുസരിച്ചേ നടപ്പാക്കാവൂ എന്ന് സോണിയയും രാഹുലും പറഞ്ഞിട്ടും ഉമ്മന്ചാണ്ടി കേട്ടില്ല. സംസ്ഥാനം സ്വകാര്യവ്യക്തിക്ക് തീറെഴുതിക്കൊടുക്കുന്ന നിലപാടാണ് ഉമ്മന്ചാണ്ടി സ്വീകരിച്ചത്- സുധീരന് ഞെട്ടിക്കുന്നു
ഹൈക്കമാന്ഡിന്റെ നിര്ദ്ദേശം അനുസരിക്കാതെയും സംസ്ഥാനത്തിന്റെ താല്പര്യം സംരക്ഷിക്കാതെയുമാണ് മുഖ്യമന്ത്രിയായിരുന്ന ഉമ്മന്ചാണ്ടി വിഴിഞ്ഞം കരാര് അദാനു ഗ്രൂപ്പുമായി ഒപ്പിട്ടതെന്ന് മുന് കെ.പി.സി.സി പ്രസിഡന്റ് വി.എം സുധീരന് വ്യക്തമാക്കി. വിഴിഞ്ഞം പദ്ധതിയുടെ തുടക്കം മുതല് വിവാദങ്ങളുണ്ടായി. തുടര്ന്ന് കോണ്ഗ്രസ് അധ്യക്ഷയായിരുന്ന സോണിയാ ഗാന്ധിയും വൈസ് പ്രസിഡന്റായിരുന്ന രാഹുല്ഗാന്ധിയും എ.ഐ.സി.സി ജനറല് സെക്രട്ടറി മുകിള്വാസ്നിക്കും എന്നെയും ഉമ്മന്ചാണ്ടിയേയും ഡല്ഹിക്ക് വിളിപ്പിച്ചു. വിഴിഞ്ഞം പദ്ധതി സംബന്ധിച്ച് തീരുമാനം എടുക്കുമ്പോള് സംസ്ഥാന താല്പര്യം സംരക്ഷിക്കണമെന്നും എല്ലാ വശങ്ങളും ചര്ച്ച ചെയ്യണമെന്നും സോണിയാ ഗാന്ധി ആവശ്യപ്പെട്ടു.
എ.കെ ആന്റണിയുമായും ചെന്നിത്തലയുമായും ഇക്കാര്യം ചര്ച്ചചെയ്യണമെന്ന് താന് കോണ്ഗ്രസ് അധ്യക്ഷയോട് ആവശ്യപ്പെട്ടെന്നും സുധീരന് വെളിപ്പെടുത്തി. അരുവിക്കര ഉപതെരഞ്ഞെടുപ്പ് കഴിഞ്ഞ് നമുക്ക് വിശദമായ ചര്ച്ച നടത്താമെന്ന നിര്ദ്ദേശവും മുന്നോട്ട് വെച്ചാണ് താന് ഡല്ഹിയില് നിന്ന് മടങ്ങിയത്. കേരളത്തില് വന്ന ശേഷം അടുത്തതിന്റെ അടുത്ത ദിവസം കെ.എസ് ശബരീനാഥന്റെ തെരഞ്ഞെടുപ്പ് നാമനിര്ദ്ദേശ പത്രിക സമര്്പപിക്കാന് തിരുവനന്തപുരം കളക്ടറേറ്റില് പോയി. തിരികെ ഇറങ്ങുമ്പോള് മാധ്യമപ്രവര്ത്തകര് ചോദിച്ചു, വിഴിഞ്ഞം പദ്ധതിയില് സര്ക്കാര് തീരുമാനം എടുത്തു എന്താണ് പറയാനുള്ളത്. എന്ത് പറയാനാണ്. എ.ഐ.സി.സിയില് നിന്ന് വിളിച്ചു, കേരളത്തില് എന്താണ് നടക്കുന്നതെന്ന് ചോദിച്ചു. ഒന്നും പറഞ്ഞില്ലെന്നും വി.എം സുധീരന് പറഞ്ഞു.
ജന താല്പര്യങ്ങള്ക്ക് വിരുദ്ധമായി സംസ്ഥാനം സ്വകാര്യവ്യക്തികള്ക്ക് തീറെഴുതിക്കൊടുക്കുന്ന തീരുമാനമാണ് വിഴിഞ്ഞം പദ്ധതിയിലൂടെ ഉമ്മന്ചാണ്ടി എടുത്തതെന്നും സുധീരന് ആരോപിച്ചു. ഹൈക്കമാന്ഡിനെ പോലും വെല്ലുവിളിക്കുന്നയാള് എന്നെ മാനിക്കുമോ എന്നും സുധീരന് ചോദിച്ചു. അടിസ്ഥാനസൈകര്യങ്ങളില്ലാത്ത 418 ബാറുകള് സംസ്ഥാനത്ത് പ്രവര്ത്തിക്കുന്നുണ്ടെന്ന് സി.എ.ജി കണ്ടെത്തി അവയും ലൈസന്സ് പുതുക്കാത്തതുമായ ബാറുകള് പൂട്ടണമെന്ന് താന് ആവശ്യപ്പെട്ടപ്പോള് ഉമ്മന്ചാണ്ടി മുഴുവന് ബാറുകളും പൂട്ടി. അത് നല്ല കാര്യം. അരുവിക്കര ഉപതെരഞ്ഞെടുപ്പില് അതിന്റെ ഗുണം പ്രതിഫലിച്ചു. എന്നാല് അതിന് വേണ്ട പ്രചരണം പിന്നീട് നടത്തിയില്ല. ഐ ഗ്രൂപ്പുകാര് പറയുന്നത് ബാറുകള് പൂട്ടിയത് കൊണ്ടാണ് തെരഞ്ഞെടുപ്പ് തോറ്റതെന്നാണ്. അത് ശരിയല്ലെന്നും സുധീരന് പറഞ്ഞു.
https://www.facebook.com/Malayalivartha
