ഇടുക്കി ,ഉടുമ്പൻചോല താലൂക്ക് ലീഗൽ സർവ്വീസ് കമ്മറ്റിയുടെ ആഭിമുഖ്യത്തിൽ ബാലവേല വിരുദ്ധ ദിനം ആചരിച്ചു. ഇതിന്റെ ഭാഗമായ് ജുഡീഷ്യൽ ഡിപ്പാർട്ട്മെന്റ്, ലേബർ ഡിപ്പാർട്ട്മെന്റ്, ബാർ അസോസിയേഷൻ, പോലീസ് ഡിപ്പാർട്ട്മെൻറ്, ചൈൽഡ് ലൈൻ എന്നീ വിഭാഗങ്ങളുടെ നേതൃത്വത്തിൽ കട്ടപ്പനയിലെ വിവിധ സ്ഥാപനങ്ങളിൽ ബോധവൽക്കരണ ക്യാമ്പയിൻ നടത്തി. വിവിധ സ്ഥാപനങ്ങൾ പരിശോധന നടത്തിയ ശേഷം ബാലവേല വിമുക്ത സ്ഥാപനം എന്ന സ്റ്റിക്കറും പതിപ്പിച്ചു. ലീഗൽ സർവ്വീസ് സെക്രട്ടറി ഷാജി എബ്രാഹം, ലേബർ ഓഫീസർ സാബു പി, ബാർ അസോസിയേഷൻ സെക്രട്ടറി അഡ്വ ജോഷി മണിമല, കട്ടപ്പന എസ്ഐ ജയൻ ജോസഫ്, ചൈൽഡ് ലൈൻ കോർഡിനേറ്റർ പ്രിന്റോ മാത്യു തുടങ്ങിയവരുടെ നേതൃത്വത്തിൽ 50 ഓളം പേരുടെ സ്ക്വാഡ് വിവിധ സ്ഥാപനങ്ങൾ സന്ദർശിച്ചു.