വിമാനം ആകാശ ചുഴിയില് പെട്ട് എട്ടു യാത്രക്കാര്ക്കു പരുക്ക്
വിമാനം ആകാശ ചുഴിയില് പെട്ട് എട്ടു യാത്രക്കാര്ക്കു പരുക്ക്. ദമാമില്നിന്നു തിരുവനന്തപുരത്തേക്കു പുറപ്പെട്ട ജെറ്റ് എയര്വേയ്സ് വിമാനമാണ് ആകാശ ചുഴിയില് പെട്ടത്. വിമാനത്തിലെ സീറ്റില് നിന്നും തെറിച്ചുവീണാണ് യാത്രക്കര്ക്ക് പരിക്കേറ്റത്. പരിക്കേറ്റവരില് മൂന്നുപേരെ തിരുവന്തപുരത്തെ സ്വകാര്യ ആശുപത്തിയില് പ്രവേശിപ്പിച്ചു. ആറു യാത്രക്കാരെ തിരുവനന്തപുരം വിമാനത്താവളത്തില് പ്രഥമ ശുശ്രൂഷ നല്കിയശേഷം വിട്ടയച്ചു. സ്വകാര്യ ആശുപത്രിയിലേക്കു മാറ്റിയ ആലപ്പുഴ സ്വദേശി ബിജുകുമാര് (41) ഇപ്പോഴും ചികില്സയിലാണ്. പാറശാല സ്വദേശി ശിവ (46) ചികില്സയ്ക്കുശേഷം ആശുപത്രി വിട്ടു.
ഈ സമയത്തു വിമാനത്തിലെ ശുചിമുറിയിലായിരുന്ന യാത്രക്കാരനാണ് കൂടുതല് പരിക്കേറ്റത്.
വിമാനം ആകാശചുഴിയില് പെട്ട വിവരം പൈലറ്റ് തിരുവനന്തപുരം വിമാനത്താവളത്തില് അറിയിക്കുകയും വിമാനം ഭാഗീക എമര്ജന്സി ലാഡിംഗ് നടത്തുകയുമാണ് ചെയ്തത്. വിമാനം കീഴ്മേല് മറിയുന്നതായി തോന്നിയെന്ന് ഒരു യാത്രക്കാരന് പറഞ്ഞു. സ്ത്രീകളും കുട്ടികളും ഉള്പ്പടെയുള്ള യാത്രക്കാര് പേടിച്ചു നിലവിളിച്ചതായും വിമാനം ആകാശചുഴിയില് വീണതാണെന്ന് ജീവനക്കാര് അറിയിച്ചതിനെ തുടര്ന്ന് അവര് ശാന്തരായതായും ജീവനക്കാര് അറിയിച്ചു.
വിമാനത്താവളത്തില് ആംബുലന്സും ഡോക്ടര്മാരും ഉള്പ്പെടെ അടിയന്തര സന്നാഹങ്ങളൊരുക്കിയിരുന്നു. ഏഴുമണിയോടെ നിലത്തിറങ്ങിയ വിമാനത്തിലെ പരുക്കേറ്റവര്ക്ക് ഉടന് പ്രഥമ ശുശ്രൂഷ നല്കി. തലയ്ക്കും കഴുത്തിനും പരുക്കുണ്ടെന്നു കണ്ടതിനെത്തുടര്ന്നാണു മൂന്നു പേരെ ആശുപത്രിയിലേക്കു മാറ്റിയത്. ലഗേജ് കാരിയറിനു സംഭവിച്ച ചെറിയ തകരാര് പരിഹരിച്ച വിമാനം ഇന്നലെ രാവിലെ തന്നെ തിരിച്ചുപോയി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
