കേന്ദ്രസര്ക്കാരിന്റെ കര്ഷകവിരുദ്ധ നയങ്ങള്ക്ക് എതിരെയുള്ള കര്ഷകരുടെ മാര്ച്ച് പോലീസ് തടഞ്ഞു, സ്ഥലത്ത് സംഘര്ഷാവസ്ഥ
യുപിയില് നിന്ന് ഡല്ഹിയിലേക്ക് പ്രവേശിക്കാന് ശ്രമിച്ച പടുകൂറ്റന് കര്ഷക മാര്ച്ച് പോലീസ് തടഞ്ഞു. കേന്ദ്രസര്ക്കാരിന്റെ കര്ഷകവിരുദ്ധ നയങ്ങള്ക്ക് എതിരെയുള്ള മാര്ച്ച് തടയാന് ഡല്ഹി അതിര്ത്തിയില് സ്ഥാപിച്ച ബാരിക്കേഡുകള് മറികടക്കാന് ശ്രമിച്ച പ്രതിഷേധക്കാരും പോലീസും തമ്മില് ഏറ്റുമുട്ടി.
കര്ഷകര്ക്ക് നേരെ പോലീസ് കണ്ണീര്വാതകവും ജലപീരങ്കിയും പ്രയോഗിച്ചു. ഡല്ഹി അതിര്ത്തിയില് സംഘര്ഷാവസ്ഥ തുടരുകയാണ്.സെപ്റ്റംബര് 23ന് ഹരിദ്വാറില് നിന്നാരംഭിച്ച മാര്ച്ചില് എഴുപതിനായിരത്തോളം കര്ഷകരാണ് പങ്കെടുക്കുന്നത്.
ഭാരതീയ കിസാന് യൂണിയന്റെ(ബികെയു) നേതൃത്വത്തില് കിസാന് ക്രാന്തി പദയാത്ര എന്ന പേരിലാണ് റാലി. കാര്ഷിക വായ്പകള് എഴുതിത്തള്ളണം, കര്ഷിക വിള ഇന്ഷുറന്സ് പദ്ധതി പ്രഖ്യാപിക്കണം, ചെറുകിട കര്ഷകരെ സഹായിക്കണം തുടങ്ങിയ ആവശ്യങ്ങള് ഉന്നയിച്ചാണ് മാര്ച്ച്. അതിര്ത്തി കടന്നെത്തുന്ന കര്ഷകരെ തടയാന് വന് പോലീസ് സന്നാഹം നിലയുറപ്പിച്ചിരുന്നു.
എന്നാല് ബാരിക്കേഡുകളെ മറികടന്നു കര്ഷകര് മുന്നോട്ടുപോകാന് ശ്രമിക്കുന്നതിനിടെ പോലീസ് നടപടി എടുക്കുകയായിരുന്നു. കര്ഷകര്ക്ക് നേരെ പോലീസ് ലാത്തി വീശി. കര്ഷക റാലി സമാധാനപരമായാണ് മുന്നോട്ടുനീങ്ങുന്നത്, പിന്നെ എന്തിനാണ് തടയുന്നതെന്നും ബികെയു പ്രസിഡന്റ് നരേഷ് തികൈത് ചോദിച്ചു.
https://www.facebook.com/Malayalivartha
