തമിഴ്‌നാട്ടിലെ തിരുവള്ളുവര്‍ ജില്ലയില്‍ കോയമ്പേടിയിൽ ഒരു കുടുംബത്തിലെ മൂന്ന് പേരെ മരിച്ച നിലയില്‍ കണ്ടെത്തിയ സംഭവത്തിൽ അന്വേഷണ ഫലം പുറത്തുവന്നു. എസിയില്‍ നിന്നുള്ള വിഷപ്പുക ശ്വസിച്ചാണ് മരണമെന്നാണ് വിവരം. പോലീസ് അന്വേഷണത്തിലാണ് എസിയില്‍ നിന്നുമുള്ള വിഷവാതകമാണ് മരണകാരണമെന്ന് കണ്ടെത്തിയത്.

കഴിഞ്ഞ ദിവസമാണ് ഒരു കുടുംബത്തിലെ മൂന്ന് പേരെ കിടപ്പുമുറിയില്‍ മരിച്ചനിലയില്‍ അയല്‍വാസികള്‍ കണ്ടെത്തിയത്. വീട്ടില്‍ ആരെയും കാണാത്തതിനെ തുടര്‍ന്ന് അയല്‍വാസികള്‍ നടത്തിയ അന്വേഷണത്തിലാണ് മൂന്ന് പേരെ മരിച്ച നിലയില്‍ കണ്ടത്.

തുടര്‍ന്ന് പോലീസില്‍ വിവരം അറിയിക്കുകയായിരുന്നു. അപകടമുണ്ടായ പ്രദേശത്ത് രാത്രിയില്‍ വൈദ്യുത തടസ്സമുണ്ടായിരുന്നെന്നും അതിനാല്‍ വീട്ടിലെ ഇന്‍വെര്‍ട്ടര്‍ ഓണാക്കിയാണ് ഇവര്‍ കിടന്നതെന്നും പോലീസ് അന്വേഷണത്തില്‍ വ്യക്തമായിട്ടുണ്ട്. എന്നാല്‍ രാത്രി വൈകി വൈദ്യുതി വന്നിരുന്നെങ്കിലും എസിയിലുണ്ടായ സാങ്കേതിക തകരാറിനെ തുടര്‍ന്ന് വിഷവാതകം പുറന്തള്ളുകയായിരുന്നുവെന്നാണ് വിവരം.