ആ കര്ഷകരില് ആരുമല്ല ഇത്; ഗാന്ധിജയന്തി ദിനത്തില് നടന്ന കര്ഷക സമരവുമായി ബന്ധപ്പെട്ട ചിത്രം എന്ന പേരില് വൈറലായ ചിത്രത്തിന്റെ സത്യാവസ്ഥ അറിയൂ
പൊലീസിന്റെ തോക്കിന് മുനയില് എറിയാന് കല്ലുമായി നില്ക്കുന്ന ഒരു മധ്യവയസ്കന്റെ ചിത്രം വളരെ പെട്ടെന്നായിരുന്നു കര്ഷക സമരത്തിന്റെ പേരില് വൈറലായത്. ഗാന്ധിജയന്തി ദിനത്തില് ഡല്ഹിയില് നടന്ന കര്ഷക സമരവുമായി ബന്ധപ്പെട്ട ചിത്രം എന്നരീതിയിലായിരുന്നു പ്രചാരണം.
'കൈയ്യില് കല്ലുമായി നില്ക്കുന്ന ഒരു കര്ഷകനെ ഒരിക്കലും ടെററിസ്റ്റ് എന്ന് വിളിക്കാന് പറ്റില്ല. എന്നാല് അതേ സമയം കശ്മീരില് ഒരു കുട്ടി കല്ലുമായി നിന്നാല് രണ്ട് വട്ടം ചിന്തിക്കേണ്ടതുണ്ട്' എന്ന അടിക്കുറുപ്പോടുകൂടി സിപിഐ(എംഎല്)വനിതാ നേതാവും അക്ടിവിസ്റ്റുമായ കവിത കൃഷ്ണന് ചിത്രം ട്വീറ്റ് ചെയ്യുകയുണ്ടായി. ആ ട്വീറ്റ് സോഷ്യല് ലോകത്തും വന്ചര്ച്ചകള്ക്ക് തുടക്കമിട്ടു.
എന്നാല് ചിത്രത്തിന്റെ പിന്നിലെ സത്യം മറ്റൊന്നായിരുന്നു. 2013-ല് മീററ്റില് മഹാപഞ്ചായത്തിനിടയില് നടന്ന സംഘര്ഷത്തില് ഗ്രാമവാസികളും പൊലീസും തമ്മില് നടന്ന സംഘര്ഷത്തിനിടെ ഇന്ത്യ ടുഡേ മീഡിയ ഗ്രൂപ്പ് എടുത്ത ചിത്രമാണ് ഗാന്ധിജയന്തി ദിനത്തിലെ കര്ഷക സമരത്തിന്റേതായി ഇപ്പോള് പുറത്തുവന്നിരിക്കുന്നത്.
ഇതിനായി ഇന്ത്യ ടുഡേയില് അന്ന് വന്ന ആര്ട്ടിക്കിളുകളും മറ്റ് വെബ്സൈറ്റുകളില് വന്ന ആര്ട്ടിക്കിളുകളും പരിശോധിക്കുകയും തുടര്ന്ന് കവിത കൃഷ്ണ ആംആദ്മി പാര്ട്ടി നേതാവ് കബില് മിശ്രക്ക് പഴയ ഫോട്ടോ ഉള്പ്പെടുത്തി ചിത്രം ഷെയര് ചെയ്യുകയുമായിരുന്നു. ഇതോടെയാണ് ചിത്രത്തിന്റെ പിന്നിലെ സത്യം പുറത്തുവന്നത്. 
പിന്നീട് കബില് മിശ്ര ഇന്ത്യ ടുഡേയില് വന്ന ആര്ട്ടിക്കിള് കൂടി ഉള്പ്പെടുത്തി ട്വീറ്റ് ചെയ്യുകയായിരുന്നു. താന് ആദ്യം ഇട്ട പോസ്റ്റില് തെറ്റ് പറ്റിയെന്നും മാപ്പാക്കണമെന്നും പറഞ്ഞ് കവിത രംഗത്തെത്തിയിരുന്നു. ചിത്രം കര്ഷക സമരത്തിന്റേതല്ല എന്ന ഹാഷ്ടാഗോടുകൂടിയാണ് കവിത കൃഷ്ണ ട്വീറ്റ് ചെയ്തത്.
https://www.facebook.com/Malayalivartha
