അഭിനന്ദന്‍ പഥക് കണ്ടാൽ സാക്ഷാൽ മോദിയെ പോലെ തന്നെ. അത്രക്ക് പ്രസംഗ പാടവമൊന്നും ഇല്ല എന്നെ ഉള്ളൂ . എന്നാൽ ഇപ്പോൾ ആളാകെ നിരാശനാണ് ..കാരണമെന്തെന്നോ? അച്ഛാ ദിൻ എന്ന് വരുമെന്ന് സാക്ഷാൽ മോദിജി ക്കു പോലും അറിയാത്ത അവസ്ഥയിൽ ബി ജെ പിയിൽ തുടരുന്നതിൽ അർത്ഥമില്ല. അപ്പോൾപിന്നെ കോൺഗ്രസിൽ ചേരാം എന്ന നിലപാടിലാണ് അഭിനന്ദന്‍ പഥക് എന്ന അപരൻ മോദി . ജനങ്ങൾക്ക് നൽകിയ വാക്ക് പാലിക്കാൻ യഥാർത്ഥ മോദിക്ക് കഴിയാത്തതിനാലാണ് താൻ ബി ജെ പി വിട്ട് പോകുന്നതെന്നാണ് ഇദ്ദേഹത്തിന്റെ ന്യായം. 

ജനങ്ങൾ മോദിയാണെന്നു തെറ്റിദ്ധരിച്ചു ചോദിക്കുന്ന ചോദ്യങ്ങൾ അഭിനന്ദൻ പഥക്കിനെ ഉത്തരം മുട്ടിക്കാൻ തുടങ്ങിയിട്ട് കുറച്ചു നാളായി. എല്ലാവര്ക്കും അറിയേണ്ടത് അച്ഛാ ദിൻ എന്ന് വരുമെന്നാണ്.
പലരും ‘എപ്പോഴാണ് എന്റെ ബാങ്ക് അക്കൗണ്ടില്‍ 15 ലക്ഷം വരുന്നത്?’ എന്ന് ചോദിക്കാറുണ്ട് . പ്രധാനമന്ത്രി നരേന്ദ്രമോദി അധികാരത്തിലെത്തുന്നതിനു മുമ്പ് നല്‍കിയ വാഗ്ദാനം വിശ്വസിച്ചവരാണ് ഈ ചോദ്യമുയര്‍ത്തുന്നത്. ഇത്തരം ചോദ്യങ്ങളാണ് കോണ്‍ഗ്രസ് പാര്‍ട്ടിയെ തെരഞ്ഞെടുക്കാന്‍ തന്നെ നിര്‍ബന്ധിതനാക്കിയതെന്നും അദ്ദേഹം പറയുന്നു.

സംഗതി എന്തായാലും 2019ലെ തെരഞ്ഞെടുപ്പില്‍ ബി.ജെ.പിയ്‌ക്കെതിരെ കാമ്പെയ്ന്‍ നടത്താന്‍ അഭിനന്ദന്‍ പഥക്
തീരുമാനിച്ചു കഴിഞ്ഞു എന്ന് യു.പി കോണ്‍ഗ്രസ് കമ്മിറ്റി പ്രസിഡന്റ് രാജ് ജബ്ബാറിനെ സന്ദര്‍ശിച്ചശേഷം അദ്ദേഹം മാധ്യമങ്ങളോടു പറഞ്ഞു.
2015ലെ ദല്‍ഹി തെരഞ്ഞെടുപ്പിലും 2017ലെ യു.പി തെരഞ്ഞെടുപ്പിലും മോദിയുടെ റാലിയിലെ പ്രധാന ആകര്‍ഷണമായിരുന്നു പതക്. രണ്ടു തവണ ഷഹരണ്‍പൂര്‍ കോര്‍പ്പറേറ്ററായ അദ്ദേഹം 2012ലെ വിധാന്‍ സഭ തെരഞ്ഞെടുപ്പിലും 1999ലെ ലോക്‌സഭാ തെരഞ്ഞെടുപ്പിലും മത്സരിച്ചിരുന്നു.

ഇപ്പോഴും മോദിയോട് കടുത്ത ആരാധന തന്നെയാണ് പഥക്കിന് .‘ഞാന്‍ ശരിക്കും മോദിയെ ആരാധിക്കുന്നു. അദ്ദേഹം എന്നെ കാണുകയും ആലിംഗനം ചെയ്യുകയും ചെയ്തിരുന്നു. എന്നാല്‍ വാഗ്ദാനങ്ങള്‍ പാലിക്കുന്നതില്‍ അദ്ദേഹത്തിന്റെ സര്‍ക്കാര്‍ പരാജയപ്പെട്ടിരിക്കുന്നു. ബി.ജെ.പി സര്‍ക്കാറിനോടുള്ള ആളുകളുടെ ദേഷ്യം അനുഭവിക്കേണ്ടി വരുന്നത് പലപ്പോഴും എനിക്കാണ്. ‘ആളുകള്‍ എന്നെ ശപിക്കുകയും അടിക്കുകയും ചെയ്യുന്നു. അവര്‍ക്ക് അത്ര ക്ഷമനശിച്ചിരിക്കുകയാണ്.’ ഇക്കാര്യങ്ങളാൽ മോദി തന്നെ അങ്ങേയറ്റം നിരാശനാക്കിയെന്നും അദ്ദേഹം പറയുന്നു.

പലപ്പോഴും മോദിജി ഹൃദയം തുറന്നു സംസാരിക്കുന്നു. എനിക്ക് മോദിജിയുടെ പ്രസംഗപാടവപ്രസംഗ പാടവമൊന്നുമില്ല ;എന്നാല്‍ മറ്റുള്ളവര്‍ക്ക് പറയാനുള്ളത് കേള്‍ക്കാന്‍ ഉള്ള മനസ്സ് എനിക്കുണ്ട്.. അതിനാൽ അടുത്ത തെരഞ്ഞെടുപ്പിൽ ജനങ്ങൾക്കൊപ്പം നിൽക്കാനായി കോൺഗ്രസിനൊപ്പം നിൽക്കും എന്നാണ് അഭിനന്ദൻ പഥക്ക് പറയുന്നത് .