കനത്ത മഴയ്ക്കുള്ള സാധ്യത കണക്കിലെടുത്ത് ജില്ലയിലെ മൂന്ന് അണക്കെട്ടുകള് തുറന്നു, അണക്കെട്ടുകള് തുറന്നതോടെ പമ്പാ നദിയില് ജലനിരപ്പ് ഉയരാന് സാധ്യതയുള്ളതിനാല് നദിയുടെ തീരങ്ങളില് താമസിക്കുന്നവരും പമ്പാ ത്രിവേണിയില് ജോലിയില് ഏര്പ്പെട്ടിരിക്കുന്നവരും ജാഗ്രത പുലര്ത്തണമെന്ന് ജില്ലാ കളക്ടര്
കനത്ത മഴയ്ക്കുള്ള സാധ്യത കണക്കിലെടുത്ത് ജില്ലയിലെ മൂന്ന് അണക്കെട്ടുകള് തുറന്നു. കക്കി ആനത്തോട്, പമ്പ, മൂഴിയാര് അണക്കെട്ടുകളാണ് തുറന്നത്. കക്കി ആനത്തോട് അണക്കെട്ടിന്റെ നാലു ഷട്ടറുകളും പമ്പാ അണക്കെട്ടിന്റെ ആറു ഷട്ടറുകളുമാണ് തുറന്നത്. അണക്കെട്ടുകള് തുറന്നതോടെ പമ്പാ നദിയില് ജലനിരപ്പ് ഉയരാന് സാധ്യതയുള്ളതിനാല് നദിയുടെ തീരങ്ങളില് താമസിക്കുന്നവരും പമ്പാ ത്രിവേണിയില് ജോലിയില് ഏര്പ്പെട്ടിരിക്കുന്നവരും ജാഗ്രത പുലര്ത്തണമെന്ന് ജില്ലാ കളക്ടര് അറിയിച്ചു.അണക്കെട്ടുകള് തുറന്നതില് ആശങ്കപ്പെടേണ്ട സ്ഥിതിയില്ലെന്നും മുന് കരുതല് എന്ന നിലയിലാണ്
അണക്കെട്ടുകള് തുറക്കുന്നതെന്നും ജില്ലാ ഭരണകൂടം വ്യക്തമാക്കി.മൂഴിയാര് അണക്കെട്ട് തുറക്കുന്നതു മൂലം മൂഴിയാര്, ആങ്ങമൂഴി, സീതത്തോട് തുടങ്ങിയ സ്ഥലങ്ങളില് കൂടി ഒഴുകുന്ന കക്കാട്ടാറിലെ ജല നിരപ്പ് ഉയരാന് സാധ്യതയുണ്ടെന്നും ജനങ്ങള് ജാഗ്രത പാലിക്കണമെന്നും അധികൃതര് അറിയിച്ചു.
https://www.facebook.com/Malayalivartha
