ദുര്ഗ പൂജക്കായി 28 കോടി രൂപ നല്കുന്നതില് നിന്ന് ബംഗാള് മുഖ്യമന്ത്രി മമത ബാനര്ജിയെ ഹൈകോടതി വിലക്കി
ദുര്ഗ പൂജക്കായി 28 കോടി രൂപ നല്കുന്നതില് നിന്ന് ബംഗാള് മുഖ്യമന്ത്രി മമത ബാനര്ജിയെ ഹൈക്കോടതി വിലക്കി. പൊതുതാല്പര്യ ഹരജി പരിഗണിച്ചാണ് ഹൈക്കോടതി ഉത്തരവ്. ദുര്ഗ പൂജ നടത്തുന്ന വിവിധ കമ്മിറ്റികള്ക്കായി 28 കോടി നല്കാനായിരുന്നു മമതയുടെ പദ്ധതി.
കൊല്ക്കത്തയിലെ 3,000 പൂജ കമ്മറ്റികള്ക്ക് 10,000 രൂപ വീതം നല്കാന് മമത ബാനര്ജി തീരുമാനിച്ചിരുന്നു. സംസ്ഥാനത്തെ 25,000 കമ്മിറ്റികള്ക്കും തുക അനുവദിച്ചിട്ടുണ്ട്. ഇതിനെതിരെ അഭിഭാഷകന് സൗരഭ് ദത്തയാണ് ഹൈക്കോടതിയെ സമീപിച്ചത്.ആക്ടിങ് ചീഫ് ജസ്റ്റിസ് ദേബാശിഷ് കൗര് ഗുപ്ത, ജസ്റ്റിസ് ശംഭ സര്ക്കാര് എന്നിവരടങ്ങിയ ഹൈകോടതി ഡിവിഷന് ബെഞ്ചാണ് ഉത്തരവ് പുറപ്പെടുവിച്ചത്. ദുര്ഗ പൂജക്കായി അനുവദിച്ച പണം ചെലവഴിക്കുന്നതിനായി മാര്ഗനിര്ദേശങ്ങള് പുറപ്പെടുവിച്ചിട്ടുണ്ടോയെന്ന് ഹോക്കോടതി ചോദിച്ചു.
ദുര്ഗ പൂജക്ക് മാത്രമാണോ അതോ മറ്റ് ആഘോഷങ്ങള്ക്കും ഇത്തരത്തില് പണം അനുവദിക്കുമോയെന്നും ഹൈകോടതി ആരാഞ്ഞു. ഇക്കാര്യങ്ങളെല്ലാം വ്യക്തമാക്കി സത്യവാങ്മൂലം സമര്പ്പിക്കാനും ബംഗാള് സര്ക്കാറിനോട് ഹൈകോടതി നിര്ദേശിച്ചിട്ടുണ്ട്.
ദുര്ഗ പൂജക്ക് പണം അനുവദിച്ചതിന് പിന്നാലെ തങ്ങളുടെ വേതനം വര്ധിപ്പിക്കണമെന്ന ആവശ്യവുമായി ബംഗാളിലെ മുസ്ലിം പള്ളികളിലെ ഇമാമുമാര് രംഗത്തെത്തിയിരുന്നു. ഹൈകോടതിയുടെ ഉത്തരവിനെ ബി.ജെ.പി സ്വാഗതം ചെയ്തിട്ടുണ്ട്.
https://www.facebook.com/Malayalivartha