ഐആര്സിടിസി ഹോട്ടല് അഴിമതിക്കേസില് ബിഹാര് മുന് മുഖ്യമന്ത്രിയും ലാലുപ്രസാദ് യാദവിന്റെ ഭാര്യയുമായ റാബ്രി ദേവിക്കും മുന് ഉപമുഖ്യമന്ത്രിയും മകനുമായ തേജസ്വി യാദവിനും ഇടക്കാല ജാമ്യം
ഡല്ഹി പട്യാലഹൗസ് കോടതി ഇടക്കാല ജാമ്യം അനുവദിച്ചത്. ഒരു ലക്ഷം രൂപയുടെ ബോണ്ടിന്മേലാണ് ജാമ്യം നല്കിയത്.ലാലുപ്രസാദ് റെയില്വേ മന്ത്രിയായിരുന്ന കാലത്ത് പുരി, റാഞ്ചി എന്നിവിടങ്ങളിലെ, റെയില്വേ ഉടമസ്ഥതിയിലുള്ള ബിഎന്ആര് ഹോട്ടലുകള് കൈമാറിയിരുന്നു.
രണ്ടു ഹോട്ടലുകള് സ്വകാര്യ ഗ്രൂപ്പിനു പാട്ടത്തിനു നല്കിയതിനുള്ള പ്രത്യുപകാരമായി ലാലു കുടുംബത്തിനു പട്നയില് കോടികള് വിലമതിക്കുന്ന സ്ഥലം ലഭിച്ചെന്നാണു സിബിഐയുടെ കേസ്. കേസില് ലാലു പ്രസാദിനെ നവംബര് 19ന് വീഡിയോ കോണ്ഫറന്സ് വഴി ഹാജരാക്കും. ആരോഗ്യപ്രശ്നങ്ങള് മൂലം ലാലുവിന് കോടതിയില് നേരിട്ട് ഹാജരാകാന് സാധിച്ചിരുന്നില്ല.
https://www.facebook.com/Malayalivartha