ഉന്നതതലയോഗങ്ങളില് പങ്കെടുക്കുമ്പോള് സര്ക്കാരുദ്യോഗസ്ഥരുടെയും പോലീസുദ്യോഗസ്ഥരുടേയും മൊബൈല് ഫോണ് ഉപയോഗം നിരോധിച്ച് ബീഹാര് സര്ക്കാര്
ഉന്നതതലയോഗങ്ങളില് പങ്കെടുക്കുമ്പോള് സര്ക്കാരുദ്യോഗസ്ഥരുടെയും പോലീസുദ്യോഗസ്ഥരുടേയും മൊബൈല് ഫോണ് ഉപയോഗം നിരോധിച്ച് ബീഹാര് സര്ക്കാരിന്റെ ഉത്തരവ്. മൊബൈല് ഫോണുപയോഗം നിയന്ത്രിച്ച് കേന്ദ്രസര്ക്കാരിന്റെയും കര്ണാടകസര്ക്കാരിന്റെയും ഉത്തരവ് പുറത്തിറങ്ങിയതിന് തൊട്ടുപിന്നാലെയാണ് ബീഹാര് സര്ക്കാരിന്റെ കര്ശനനിര്ദ്ദേശം വ്യാഴാഴ്ച പുറത്തിറങ്ങിയത്. സംസ്ഥാന പൊതുഭരണവകുപ്പ് പ്രിന്സിപ്പല് സെക്രട്ടറി ആമിര് സുബ്ബാനിയാണ് ഉത്തരവ് പുറത്തിറക്കിയത്.
മുഖ്യമന്ത്രി, മന്ത്രിമാര് ചീഫ് സെക്രട്ടറി, വികസനകമ്മീഷണര്മാര് തുടങ്ങിയവര് പങ്കെടുക്കുന്ന യോഗങ്ങളിലാണ് മൊബൈല് ഫോണിന് വിലക്ക്.മുഖ്യമന്ത്രി നിതീഷ് കുമാര് പതിവായി അവലോകനയോഗങ്ങള് നടത്താറുണ്ട്. മിക്ക ഉദ്യോഗസ്ഥരും ഫോണുകളും സൈലന്റ് മോഡിലാക്കാറുണ്ട്.
എന്നാല് ഫോണ് കോളുകള് എടുക്കാറില്ലെങ്കിലും മെസേജുകള്ക്കും മെയിലുകള്ക്കും മറുപടി നല്കുന്നതില് മുഴുകുന്നത് ശ്രദ്ധയില് പെട്ടതോടെയാണ് ഇത്തരത്തില് കര്ശനനടപടിയ്ക്ക് സര്ക്കാര് തീരുമാനിച്ചത്.
"
https://www.facebook.com/Malayalivartha
