ആം ആദ്മി നേതാവിനെ സ്വവര്ഗപങ്കാളി ജീവനോടെ ചുട്ടുകൊന്നത് ഒപ്പംതാമസിക്കാന് നിര്ബന്ധിച്ചതിന്!
മുഖ്യപ്രതിയടക്കം മൂന്നുപേര്, ആംആദ്മി നേതാവ് നവീന് ദാസിന്റെ കൊലപാതകവുമായി ബന്ധപ്പെട്ട് പിടിയിലായി. നവീന് ദാസിന്റെ സുഹൃത്തും സ്വവര്ഗപങ്കാളിയുമായിരുന്ന ത്വയിബ് ഖുറേഷി, ഇയാളുടെ സഹോദരന് താലിബ് ഖുറേഷി, സുഹൃത്ത് സമര് ഖാന് എന്നിവരെയാണ് സാഹിബബാദ് പോലീസ് അറസ്റ്റ് ചെയ്തത്. ത്വയിബ് ഖുറേഷിയെ നവീന് ദാസ് ഒപ്പം താമസിക്കാന് നിര്ബന്ധിച്ചതും, സ്വകാര്യവീഡിയോ കാണിച്ച് ഭീഷണിപ്പെടുത്തിയതുമാണ് കൊലപാതകത്തില് കൊണ്ടെത്തിച്ചതെന്ന് പോലീസ് പറഞ്ഞു. ഒക്ടോബര് അഞ്ചാം തീയതി വെള്ളിയാഴ്ചയാണ് നവീന് ദാസിന്റെ മൃതദേഹം കാറിനുള്ളില് കത്തിക്കരിഞ്ഞ നിലയില് കണ്ടെത്തിയത്.
ഡല്ഹി കേന്ദ്രീകരിച്ച് പ്രവര്ത്തിക്കുന്ന ആംആദ്മി നേതാവായ നവീന്ദാസും ത്വയിബ് ഖുറേഷിയും സ്വവര്ഗാനുരാഗികളും അടുത്ത സുഹൃത്തുക്കളുമായിരുന്നു. എന്നാല് അടുത്തിടെയായി നവീന് ദാസ് ത്വയിബിനെ തന്റെ ഫ്ളാറ്റില് സ്ഥിരമായി താമസിക്കാന് നിര്ബന്ധിക്കാന് തുടങ്ങി. ത്വയിബ് ഇതിനു വിസമ്മതിച്ചതോടെ ഇരുവരുടെയും സ്വകാര്യവീഡിയോ പകര്ത്തി നവീന് ദാസ് ഭീഷണിപ്പെടുത്താന് തുടങ്ങി. ഇതോടെയാണ് ത്വയിബും സഹോദരനും സുഹൃത്തും ചേര്ന്ന് കൊലപാതകം ആസൂത്രണം ചെയ്തത്.
സംഭവദിവസം രാത്രി ഇയാള് നവീന് ദാസിനെ ലോനിയിലെ ഫ്ളാറ്റിലേക്ക് ക്ഷണിച്ചിരുന്നു. തുടര്ന്ന് ഫ്ളാറ്റിലെത്തിയ ആം ആദ്മി നേതാവിന് മയക്കുമരുന്ന് കലര്ത്തിയ ഹല്വ നല്കി. പാതിമയക്കത്തിലായ നവീന് ദാസിനെ മൂവരും ചേര്ന്ന് അദ്ദേഹത്തിന്റെ തന്നെ കാറില് കയറ്റി കൊണ്ടുപോയി.
ഇതിനിടെ ആംആദ്മി നേതാവിന്റെ എ.ടി.എം കാര്ഡുകളും ഓണ് ലൈന് ബാങ്ക് വിവരങ്ങളും ഉപയോഗിച്ച് പ്രതികള് ഏഴു ലക്ഷത്തോളം രൂപ കവര്ന്നിരുന്നു. പോകുന്നവഴിയില് രണ്ടുലിറ്റര് പെട്രോളും വാങ്ങി. തുടര്ന്ന് വിജനമായ സ്ഥലത്തെത്തിയപ്പോള് കാറിനുള്ളില് വച്ച് പെട്രോളൊഴിച്ച് കൊലപ്പെടുത്തുകയായിരുന്നു.
സംഭവം അപകടമരണമാണെന്ന് കരുതാനായി നവീന് ദാസിനെ ഡ്രൈവര് സീറ്റിലിരുത്തിയാണ് കത്തിച്ചത്. എന്നാല് മുന് വശത്തെ രണ്ടാമത്തെ ഡോര് തുറന്നുകിടന്നിരുന്നതും മറ്റുതെളിവുകളും പരിശോധിച്ച് സംഭവം കൊലപാതകമാണെന്ന് പോലീസ് കണ്ടെത്തി. കൃത്യം നടത്തിയശേഷം ഒളിവില് ്പോയ പ്രതികള് നവീന് ദാസിന്റെ തട്ടിയെടുത്ത മൊബൈല് ഫോണ് പ്രവര്ത്തിപ്പിച്ചതാണ് അന്വേഷണത്തില് നിര്്ണായകമായത്. ഫോണില് നിന്ന് വീഡിയോ നീക്കംചെയ്തശേഷം ഫോണ് സ്വിച്ച്ഓണ് ആക്കി ഉപേക്ഷിക്കാനായിരുന്നു സംഘത്തിന്റെ പദ്ധതി. എന്നാല് അതിനിര്ണായകമായ ഈ സൂചനകളില് നിന്ന് പോലീസ് മൂവരെയും പിടികൂടുകയായിരുന്നു. തട്ടിയെടുത്ത നാലുലക്ഷം രൂപയും ഇവരില് നിന്ന് കണ്ടെടുത്തിട്ടുണ്ട്.
https://www.facebook.com/Malayalivartha
