നവരാത്രി ഉത്സവത്തോടനുബന്ധിച്ച് ക്ഷേത്രവും വിഗ്രഹവും അലങ്കരിക്കാൻ കോടികൾ കൊണ്ടുള്ള അമ്മാനമാടൽ;ദേവീവിഗ്രഹം അണിയിച്ചൊരുക്കാന് നാലരക്കോടിയുടെ സ്വര്ണവും രണ്ടരക്കോടിയുടെ നോട്ടുകളും !
നവരാത്രി ഉത്സവത്തോടനുബന്ധിച്ച് ക്ഷേത്രവും വിഗ്രഹവും അലങ്കരിക്കാൻ കോടികൾ കൊണ്ടുള്ള അമ്മാനമാടൽ .വിശാഖപട്ടണം ശ്രീ കന്യകാ പരമേശ്വരി ക്ഷേത്രത്തിലാണ്കോടികള് വിലമതിക്കുന്ന സ്വര്ണാഭരണങ്ങളും കറന്സി നോട്ടുകളും ഉപയോഗിച്ച് കൊണ്ടുള്ള വേറിട്ട നവരാത്രി ആഘോഷം.
ഇക്കുറി നാലരക്കോടി രൂപയുടെ സ്വര്ണാഭരണങ്ങളാണ് ദേവി വിഗ്രഹത്തെ അണിയിക്കാന് വഴിപാടായി ലഭിച്ചത്.കൂടാതെ ക്ഷേത്രം അലങ്കരിക്കാനായി രണ്ടര കോടി രൂപയുടെ കറന്സി നോട്ടുകളും ലഭിച്ചു.
സ്വര്ണത്തില് തീര്ത്ത ഉടയാട ഉപയോഗിച്ച് ഞായറാഴ്ച്ച പ്രത്യേക പൂജകള്ക്ക് ശേഷം ദേവീവിഗ്രഹത്തെ അണിയിച്ചൊരുക്കി.ദേവീ വിഗ്രഹം സൂക്ഷിച്ചിരിക്കുന്ന ശ്രീകോവിലിന്റെ ഭിത്തികളും നിലവുമെല്ലാം കറന്സി നോട്ടുകള് കൊണ്ട് അലങ്കരിക്കുകയും ചെയ്തിട്ടുണ്ട്.
നവരാത്രി ആഘോഷങ്ങളുടെ ഭാഗമായി സ്വര്ണാഭരണങ്ങളും കറന്സി നോട്ടുകളും കൊണ്ട് ദേവിയെ അണിയിച്ചൊരുക്കുന്നത് ഇവിടെ പരമ്പരാഗതമായി തുടര്ന്നു പോരുന്ന ആചാരമാണ്. ഇന്ത്യന് കറന്സി മാത്രമല്ല വിദേശ കറന്സികളും ഇതിനായി ഉപയോഗിക്കാറുണ്ട്.
ഈ വര്ഷം നവരാത്രി പൂജകളോടനുബന്ധിച്ച് ഇരുനൂറോളം ഭക്തരാണ് സ്വര്ണവും പണവും വഴിപാടായി സമര്പ്പിച്ചതെന്നാണ് വിവരം. 140 വര്ഷം പഴക്കമുള്ള ക്ഷേത്രമാണിത്.
https://www.facebook.com/Malayalivartha
