ശബരിമലയിലെ ഇപ്പോഴത്തെ പ്രശ്നങ്ങൾക്ക് പിന്നിൽ പിണറായി സർക്കാരും സി പി എമ്മുമെന്നു ബിജെപി അഖിലേന്ത്യാ ജനറല്‍ സെക്രട്ടറി മുരളീധര്‍ റാവു.എന്‍ഡിഎ സംഘടിപ്പിച്ച ശബരിമല സംരക്ഷണ യാത്രയുടെ സമാപന സമ്മേളനത്തില്‍ സംസാരിക്കുകയായിരുന്നു അദ്ദേഹം.

എന്‍ഡിഎയുടെ സമരo ഭരണഘടനയ്ക്കോ ജനങ്ങള്‍ക്കോ എതിരല്ല. ഭരണഘടന നല്‍കുന്ന അവകാശങ്ങള്‍ നേടിയെടുക്കുന്നതിന് വേണ്ടിയാണ് ജനങ്ങള്‍ പ്രതിഷേധിക്കുന്നത് - മുരളീധര്‍ റാവു പറഞ്ഞു. ജനങ്ങള്‍ ആഗ്രഹിക്കുന്നത് സുപ്രീംകോടതിയില്‍ പുനഃപരിശോധനാ ഹര്‍ജി നല്‍കണമെന്നാണ്. ഈ ആവശ്യംസര്‍ക്കാര്‍ ഗൗരവമായി എടുക്കുന്നില്ല.സിപിഎം പറയുന്നത് സുപ്രീംകോടതി വിധിയെ ബഹുമാനിക്കുന്നു എന്നാണ് . പാര്‍ട്ടിക്ക് എതിരായ വിധികളുണ്ടായപ്പോള്‍ സിപിഎം എത്രയോ തവണ കോടതിയുടെ നടപടികള്‍ക്കെതിരെ പ്രതിഷേധിച്ചിട്ടുണ്ട്. ഭക്തജനങ്ങള്‍ ആവശ്യപ്പെടുന്നത് സർക്കാർ നടത്തുന്ന അഴിമതിയുടെ വിഹിതമല്ല,മറിച്ച് വിശ്വാസം സംരക്ഷിക്കണമെന്നാണ്. ശബരിമലവിഷയത്തില്‍ രാജ്യത്തൊട്ടാകെയും മറ്റു രാജ്യങ്ങളിലും പ്രതിഷേധം ഉയരുകയാണ്.അതുകൊണ്ട് തന്നെ ആവശ്യമായ നടപടി സര്‍ക്കാരിന്റെ ഭാഗത്തുനിന്ന് ഉണ്ടായില്ലെങ്കില്‍ പ്രതിഷേധം ശക്തമാകുമെന്നും അദ്ദേഹം പറഞ്ഞു.