പരാതിയുമായെത്തിയ യുവതിയെ പീഡിപ്പിച്ച പൊലീസ് ഉദ്യോഗസ്ഥന്‍ അറസ്റ്റില്‍. മഹാരാഷ്ട്ര ചിഖാലി പൊലീസ് സ്റ്റേഷനിലെ അസിസ്റ്റന്റ് സബ് ഇന്‍സ്‌പെക്ടറാണ് അറസ്റ്റിലായത്.

ഭര്‍ത്താവിന്‍റെ ഉപദ്രവം സഹിക്കവയ്യാതെ പരാതിയുമായി പൊലീസ് സ്റ്റേഷനിലെത്തിയ യുവതിക്കാണ് ഇത്തരത്തിലൊരു ദുരനുഭവം ഉണ്ടായത്. സ്റ്റേഷനിലെത്തിയ യുവതിയോട് പൊലീസ് ഉദ്യോഗസ്ഥന്‍ മോശമായി പെരുമാറുകയും ലൈംഗിക ചുവയോടെ സംസാരിക്കുകയുമായിരുന്നു.

കഴിഞ്ഞ 11 നാണ് കേസിന് ആസ്പദമായ സംഭവം നടന്നത്. യുവതി നല്‍കിയ പരാതിയെത്തുടര്‍ന്ന് ഇയാളെ സസ്‌പെന്റ് ചെയ്യുകയും ശേഷം അറസ്റ്റ് ചെയ്യുകയുമായിരുന്നു. സംഭവത്തില്‍ അന്വേഷണം പുരോഗമിക്കുകയാണ്.