മാധ്യമപ്രവര്ത്തക പ്രിയ രമണിക്കെതിരേ കേന്ദ്ര വിദേശകാര്യ സഹമന്ത്രി എം.ജെ. അക്ബര് നല്കിയ മാനനഷ്ടക്കേസ് ഡല്ഹി പാട്യാല ഹൗസ് കോടതി വ്യാഴാഴ്ച പരിഗണിക്കും
തനിക്കെതിരേ ലൈംഗിക ആരോപണം ഉന്നയിച്ച മാധ്യമപ്രവര്ത്തക പ്രിയ രമണിക്കെതിരേ കേന്ദ്ര വിദേശകാര്യ സഹമന്ത്രി എം.ജെ. അക്ബര് നല്കിയ മാനനഷ്ടക്കേസ് ഡല്ഹി പാട്യാല ഹൗസ് കോടതി വ്യാഴാഴ്ച പരിഗണിക്കും. ആരോപണങ്ങള് അടിസ്ഥാനരഹിതമാണെന്നു ചൂണ്ടിക്കാട്ടി പ്രസ്താവന ഇറക്കിയതിനു പിന്നാലെയാണ് അക്ബര് കേസ് നല്കിയത്.
സമൂഹമാധ്യമങ്ങളിലൂടെ ആരോപണം ഉന്നയിച്ച വനിതകള് നിയമനടപടികളിലേക്കു നീങ്ങുന്നതിനു മുന്പേയാണ് അക്ബര് മാനനഷ്ടക്കേസുമായി കോടതിയെ സമീപിച്ചത്. തനിക്കെതിരേ പ്രിയാ രമണി ഉന്നയിച്ചിരിക്കുന്ന ആരോപണങ്ങള് തന്നെ അപകീര്ത്തിപ്പെടുത്താന് മനഃപൂര്വം ഗൂഢാലോചന നടത്തി കെട്ടിച്ചമച്ചതാണെന്നാണ് കോടതിയില് സമര്പ്പിച്ച പരാതിയില് അക്ബര് വ്യക്തമാക്കിയിട്ടുള്ളത്.
മാനനഷ്ടത്തിനുള്ള 499ാം വകുപ്പ് രണ്ടു വര്ഷം വരെ തടവോ പിഴയോ ലഭിക്കാവുന്ന മറ്റു വകുപ്പുകള്കൂടി ചൂണ്ടിക്കാട്ടിയാണ് മന്ത്രിയുടെ പരാതി. മുന്കൂട്ടി നിശ്ചയിച്ചതു പ്രകാരം തനിക്കെതിരായ ആരോപണങ്ങള് പരത്തിയെന്നും മന്ത്രിയുടെ പരാതിയില് പറയുന്നുണ്ട്. ആരോപണങ്ങള് മന്ത്രിയെന്ന നിലയിലുള്ള തന്റെ അന്തസിനെയും സമൂഹത്തിലും കുടുംബത്തിലും, സഹപ്രവര്ത്തകര്ക്കും സുഹൃത്തുക്കള്ക്കും ഇടയിലുള്ള തന്റെ വ്യക്തിത്വത്തെയും ദോഷകരമായി ബാധിച്ചുവെന്നും പരാതിയില് പറയുന്നു.
എന്നാല്, മന്ത്രിക്കെതിരായ പരാതിയില് ഉറച്ചുനില്ക്കുന്നുവെന്നായിരുന്നു ആരോപണങ്ങള് ഉന്നയിച്ച വനിതകളില് ചിലരുടെ പ്രതികരണം. മാനനഷ്ടക്കേസിനെ പേടിക്കുന്നില്ലെന്നും അക്ബറിനെതിരേ നിയമനടപടി സ്വീകരിക്കുന്നത് പരിഗണിക്കുമെന്നും ഇവരില് ചിലര് വ്യക്തമാക്കിയിരുന്നു.
"
https://www.facebook.com/Malayalivartha