ബിജെപിക്ക് പാര്ട്ടിയാണ് കുടുംബം. മറ്റു ചിലര്ക്ക് കുടുംബമാണ് പാര്ട്ടി; പ്രിയങ്കഗാന്ധിയുടെ രാഷ്ട്രീയ പ്രവേശത്തില് പരിഹാസവുമായി പ്രധാനമന്ത്രി നരേന്ദ്ര മോദി
പ്രിയങ്കഗാന്ധിയുടെ രാഷ്ട്രീയ പ്രവേശത്തില് പരിഹാസവുമായി പ്രധാനമന്ത്രി നരേന്ദ്ര മോദി. ബിജെപിക്ക് പാര്ട്ടിയാണ് കുടുംബം. മറ്റു ചിലര്ക്ക് കുടുംബമാണ് പാര്ട്ടി. കുടുംബത്തെ എതിര്ക്കുന്നത് കോണ്ഗ്രസില് കുറ്റകൃത്യമെന്നും മോദി പരിഹസിച്ചു. പ്രിയങ്കയുടെ വരവോടെ കോണ്ഗ്രസ് കുടുംബ പാര്ട്ടി എന്നു പറയുന്നവര്ക്ക് ഈ വരവ് അത് ഒന്നുകൂടി ഉറപ്പിച്ചു പറയാനുള്ള രാഷ്ട്രീയ ആയുധമാണ് കോണ്ഗ്രസ് തന്നെ തേച്ചു മിനുക്കി നല്കിയത്.
കിഴക്കന് ഉത്തര്പ്രദേശിന്റെ ചുമതലുള്ള എ.െഎ.സി.സി ജനറല്സെക്രട്ടറി സ്ഥാനമാണ് പ്രയങ്കയ്ക്ക് പാര്ട്ടി നല്കിയത്. ലോക്സഭാ തിരഞ്ഞെടുപ്പ് മുന്നിര്ത്തി കോണ്ഗ്രസിന്റെ സംഘടനാതലത്തിലും നിര്ണായക അഴിച്ചുപണി നടത്തി. കെ.സി വേണുഗോപാലിന് സംഘടന ചുമതലയുള്ള ജനറല്സെക്രട്ടറി സ്ഥാനം നല്കി. പ്രിയങ്കയുടെ വരവ് ബിജെപിയെ അസ്വസ്ഥരാക്കുമെന്ന് രാഹുല് ഗാന്ധി പ്രതികരിച്ചു. രാഹുല് പരാജയമാണെന്ന് തെളിഞ്ഞുവെന്ന് ബിജെപി മറുപടി നല്കി.
2019 ലോക്സഭാ തിരഞ്ഞെടുപ്പിലെ ഏറ്റവും സുപ്രധാന രാഷ്ട്രീയ നീക്കമാണ് പ്രയങ്ക ഗാന്ധിയുടെ സജീവരാഷ്ട്രീയത്തിലേയ്ക്കുള്ള വരവ്. ബിജെപിയും എസ്പി ബിഎസ്പി സഖ്യവും തമ്മില് ശക്തമായ പോരാട്ടത്തിന് കളമൊരുങ്ങിയ യുപിയില് കോണ്ഗ്രസിന്റെ തിരിച്ചുവരവ് സാധ്യമാക്കുകയെന്ന ദുഷ്ക്കരമായ ദൗത്യം. പ്രധാനമന്ത്രി നരേന്ദ്ര മോദിയുടെ മണ്ഡലമായ വാരാണസി ഉള്പ്പെടുന്ന കിഴക്കന് ഉത്തര്പ്രദേശിന്റെ ചുമതലയാണ് പ്രിയങ്കയ്ക്ക്. രാഹുല് സജീവരാഷ്ട്രീയത്തിലിറങ്ങി 15 വര്ഷം പിന്നിടുമ്ബോഴാണ് പ്രിയങ്കയെത്തുന്നത്. ഫെബ്രുവരി ആദ്യവാരം പ്രിയങ്ക ചുമതലയേല്ക്കും
അതേസമയം, ഏറെ നാളായി രാഷ്ട്രീയത്തിലേക്ക് ഇറങ്ങുമെന്ന് അഭ്യൂഹങ്ങള് നിലനില്ക്കുന്ന പ്രിയങ്കയ്ക്ക് പാര്ട്ടിയില് മുതിര്ന്ന ചുമതല നല്കിയത് നിര്ണായക നീക്കമാണെന്നാണ് കോണ്ഗ്രസ് നേതാക്കന്മാരുടെ അഭിപ്രായം. പുതിയ ചുമതലയേറ്റെടുക്കുന്ന പ്രിയങ്കയ്ക്ക് എല്ലാ ഭാവുകങ്ങളും നേരുന്നുവെന്ന് അവരുടെ ഭര്ത്താവ് റോബര്ട്ട് വധേര ഫേസ്ബുക്കിലൂടെ വ്യക്തമാക്കി. ഇന്ത്യയുടെ ഭരണത്തില് ഏറ്റവും നിര്ണായകമാകുന്ന ഉത്തര്പ്രദേശില് നല്ല രീതിയില് പ്രവര്ത്തിക്കാന് പ്രിയങ്കയ്ക്കാമെന്ന് കോണ്ഗ്രസ് അദ്ധ്യക്ഷന് രാഹുല് ഗാന്ധി പറഞ്ഞു. പ്രഖ്യാപനത്തിന് പിന്നാലെ ബിജെപിക്കാരെല്ലാം പരിഭ്രാന്തിയിലായിരിക്കുകയാണ്. പ്രിയങ്കാ ഗാന്ധി തിരഞ്ഞെടുപ്പില് മത്സരിക്കുമോ എന്ന കാര്യം പ്രിയങ്ക തന്നെയാണ് തീരുമാനിക്കേണ്ടതെന്നും അദ്ദേഹം പറഞ്ഞു. തന്റെ മണ്ഡലമായ അമേഠിയില് മാധ്യമപ്രവര്ത്തകരോട് സംസാരിക്കുകയായിരുന്നു രാഹുല്.
https://www.facebook.com/Malayalivartha
