നരേന്ദ്രമോദി ഒരു തവണ കൂടി പ്രധാനമന്ത്രിയാകാതിരിക്കാന് താന് പോരാടുമെന്ന് കോണ്ഗ്രസ് അധ്യക്ഷന് രാഹുല് ഗാന്ധി, ഭരണഘടനാ സ്ഥാപനങ്ങളില് നുഴഞ്ഞ് കയറാനാണ് ആര്.എസ്.എസ് ശ്രമിക്കുന്നതെന്നും രാഹുല്
നരേന്ദ്രമോദി ഒരു തവണ കൂടി പ്രധാനമന്ത്രിയാകാതിരിക്കാന് താന് പോരാടുമെന്ന് കോണ്ഗ്രസ് അധ്യക്ഷന് രാഹുല് ഗാന്ധി. ലോക്സഭാ തെരഞ്ഞെടുപ്പിനൊപ്പം നിയമസഭാ തെരഞ്ഞെടുപ്പും നടക്കുന്ന ഒഡീഷയിലെ ഭുവനേശ്വറില് സംസാരിക്കുകയായിരുന്നു അദ്ദേഹം. എന്നെയും കോണ്ഗ്രസിനെയും മോദി വെറുക്കുന്നെന്ന് അറിയാം. അദ്ദേഹം എന്നെ അധിക്ഷേപിക്കുന്നത് കേള്ക്കുമ്പോള് കെട്ടിപ്പിടിക്കാനാണ് തോന്നുന്നത്. പ്രധാനമന്ത്രി കാണിക്കുന്നത് ബി.ജെ.പിയുടെ രീതിശാസ്ത്രമാണ്. മോദിയോട് വെറുപ്പില്ല. തമ്മില് അഭിപ്രായവ്യത്യാസങ്ങളുണ്ടെന്ന് മാത്രം. രാഷ്്ട്രീയത്തില് അത് സ്വാഭാവികമാണെന്നും രാഹുല് പറഞ്ഞു. 21 ലോക്സഭാ സീറ്റുകളാണ് ഒഡീഷ്യയിലുള്ളത്. മൂന്ന് സ്ഥലങ്ങളില് മോദി പര്യടനം നടത്തിക്കഴിഞ്ഞു.
രാഹുല് തീരദേശ മേഖലകേന്ദ്രീകരിച്ചാണ് പ്രചരണം നടത്തുന്നത്. മോദിയും ബി.ജെ.പിയുമാകട്ടെ ആദിവാസി മേഖല കേന്ദ്രീകരിച്ചും. പ്രധാനമന്ത്രിയുടെ അഭിപ്രായം പറയാനുള്ള സ്വാതന്ത്ര്യത്തെ ബഹുമാനിക്കുന്നെന്നും രാഹുല് പറഞ്ഞു. മോദി ഭരണത്തിന്റെ മറവില് എല്ലാ ഭരണഘടനാസ്ഥാപനങ്ങളിലും ആര്എസ്എസ് നുഴഞ്ഞുകയറാന് ശ്രമിക്കുകയാണ്. ആള്ക്കൂട്ട കൊലപാതകങ്ങളെ ബി.ജെ.പിയും ആര്.എസ്.എസും പ്രോത്സാഹിപ്പിക്കുന്നു. സി.ബി.ഐ പോലുള്ള ഉന്നത ഏജന്സികളുടെ വിശ്വാസ്യത പോലും ഇല്ലാതാക്കുകയാണ്. ബിജെപിയുടെ പരിഹാസവും ആര്എസ്എസ്സിന്റെ അധിക്ഷേപവും തനിക്ക് കിട്ടിയ വലിയ സമ്മാനവും തിരിച്ചറിവുമാണെന്നും രാഹുല് വ്യക്തമാക്കി.
മുമ്പ് പാര്ലമെന്റില് കേന്ദ്രസര്ക്കാരിനെ വിമര്ശിച്ച് സംസാരിച്ച ശേഷം രാഹുല്ഗാന്ധി പ്രധാനമന്ത്രി നരേന്ദ്രമോദിയെ ആലിംഗനം ചെയ്തിരുന്നു. അത് വലിയ വാര്ത്തയായിരുന്നു. അതിന് പിന്നാലെയാണ് മോദി തന്നെ അധിക്ഷേപിച്ചാല് ആലിംഗനം ചെയ്യുമെന്ന പ്രസ്താവനയുമായി രാഹുല് രംഗത്തെത്തിയത്. അത് കേന്ദ്രസര്ക്കാരിന്റെ അസഹിഷ്ണുതാ നിലപാടുകള്ക്കുള്ള മറുപടിയാണ്. ബീഫ് വിവാദം, ആള്ക്കൂട്ട കൊലപാതകങ്ങള്, പശുവിനെ ആക്രമിച്ചെന്ന് കള്ളക്കഥകള് പ്രചരിപ്പിച്ച് ന്യൂനപക്ഷങ്ങളെ ആക്രമിക്കുകയും കൊലപ്പെടുത്തുകയും ചെയ്യുക, സര്ക്കാരിനെ വിമര്ശിക്കുന്ന ബുദ്ധിജീവികളെയും എഴുത്തുകാരെയും കലാകാരന്മാരേയും ഭീഷണിപ്പെടുത്തുക അല്ലെങ്കില് കൊലപ്പെടുത്തുക തുടങ്ങിയ സംഭവങ്ങള് മോദി ഭരണത്തില് രാജ്യത്ത് വ്യാപകമായിരിക്കുകയാണ്.
രാജസ്ഥാനിലും മധ്യപ്രദേശിലും ബി.ജെ.പിക്ക് വലിയ തിരിച്ചടിയും മോദിയുടെ കോട്ടയായ ഗുജറാത്തില് നേരിട്ട തിരിച്ചടിയും രാഹുലിന്റെ വിജയമാണ്. ഇവിടങ്ങളിലെല്ലാം രാഹുല് നേരിട്ടെത്തിയാണ് പ്രചരണം നടത്തിയത്. അതിനാല് വരുന്ന പൊതുതെരഞ്ഞെടുപ്പില് രാഹുലായിരിക്കും ബി.ജെ.പിയുടെ ഏറ്റവും വലിയ വെല്ലുവിളി. ഉത്തര്പ്രദേശില് എസ്.പിയും ബി.എസ്.പിയും കോണ്ഗ്രസുമായി സഹകരിക്കാതെ മത്സരിക്കാന് തീരുമാനിച്ചതിനെ തുടര്ന്നാണ് രാഹുല് സഹോദരിയായ പ്രിയങ്കാ ഗാന്ധിക്ക് സംഘടനാ ചുമതല നല്കിയത്. ഉത്തര്പ്രദേശിലെ പരമ്പരാഗത കോണ്ഗ്രസ് വോട്ടര്മാരെ സ്വാധീനിക്കാന് ഇതിലൂടെ കഴിയും. യു.പിയില് കൂടുതല് സീറ്റുകള് നേടിയാല് ഇന്ത്യഭരിക്കാന് നിഷ്പ്രയസം കഴിയും.
https://www.facebook.com/Malayalivartha
