ജമ്മു കാശ്മീരിലുണ്ടായ മഞ്ഞു വീഴ്ചയില്‍ ആറ് പോലീസുകാരടക്കം പത്തോളം പേരെ കാണാതായി...
ജമ്മുകാശ്മീരിലെ കുല്‍ഗാമില്‍ പോലീസ് പോസ്റ്റിനു സമീപത്തായി മഞ്ഞുവീഴ്ചയെ തുടര്‍ന്ന് ആറ് പോലീസുകാരടക്കം പത്തോളം പേരെ കാണാതായി. പോലീസുകാരെ കൂടാതെ രണ്ട് ഫയര്‍ഫോഴ്‌സ് ജീവനക്കാരും നാട്ടുകാരായ രണ്ടുപേരെയുമാണ് കാണാതായിരിക്കുന്നത്. ശ്രീനഗര്‍ ജമ്മു ദേശീയ ഹൈവേയില്‍ ജവഹര്‍ ടണിലിലായിരുന്നു സംഭവം നടന്നത്.
ടണലിന്റെ വടക്ക് ഭാഗത്തെ വാതിലിനു സമീപമാണ് മഞ്ഞുവീഴ്ച ഉണ്ടായത്. സംഭവം നടക്കുമ്പോള്‍ പോലീസ് പോസ്റ്റില്‍ ഇരുപതോളം പേരാണ് ഉണ്ടായിരുന്നത്. 10 പേര് സുരക്ഷിതരായി പുറത്തെത്തി. രക്ഷാപ്രവര്‍ത്തനം തുടരുകയാണ്.വ്യാഴാഴ്ച ജില്ലയിലെ മഞ്ഞുവീഴ്ച അപകടസാധ്യത ഉള്ള സ്ഥലങ്ങളില്‍നിന്നും 78 കുടുംബങ്ങളെ മാറ്റിപ്പാര്‍പ്പിച്ചിരുന്നു.
മഞ്ഞുവീഴ്ചയെ തുടര്‍ന്ന് തുടര്‍ച്ചയായ രണ്ടാം ദിവസവും ജമ്മുശ്രീനഗര്‍ ദേശീയപാത അടച്ചിരിക്കുകയാണ്. മോശം കാലാവസ്ഥയില്‍ വിമാന സര്‍വീസുകളും നിര്‍ത്തിവച്ചിരിക്കുകയാണ്. വിമാന സര്‍വീസ് മടങ്ങിയതിനെ തുടര്‍ന്ന് ഐ ലീഗ് ക്ലബ് ഗോകുലം കേരളയുടെ കാശ്മീരില്‍ നിന്നുളള മടക്കയാത്രയും മുടങ്ങിയിരുന്നു. ഇതോടെ താരങ്ങളും സപ്പോര്‍ ട്ടിംഗ് സ്റ്റാഫും കാഷ്മീരില്‍ കുടുങ്ങി റിയല്‍ കാശ്മീരിനെതിരായ മത്സരത്തിനായാണ് ഗോകുലം കാശ്മീരില്‍ എത്തിയത്. മഞ്ഞും മഴയും പെയ്തിറങ്ങിയ കളിയില്‍ കാശ്മീരിനോട് എതിരില്ലാത്ത ഒരു ഗോളിന് തോല്‍വി ഏറ്റുവാങ്ങി. ഞായറാഴ്ച ഐസ്വാള്‍ എഫ്‌സിക്കെതിരെ കോഴിക്കോട്ടാണ് ഗോകുലത്തിന്റെ അടുത്തമത്സരം. മഞ്ഞുവീഴ്ചയുള്ളതിനാല്‍ വിമാനസര്‍വീസ് എപ്പോള്‍ പുനഃസ്ഥാ പിക്കാനാകുമെന്ന കാര്യത്തില്‍ വ്യക്തതയില്ല. എയര്‍ലൈന്‍ അധികൃതരുടെ മറുപടിക്കായി കാത്തു നില്‍ക്കുകയാണ് ടീം.
"
https://www.facebook.com/Malayalivartha
