കഴിഞ്ഞ ദിവസമാണ് വീട്ടുകാരെ ഒന്നടങ്കം ഞെട്ടിച്ച സംഭവം ഉണ്ടായത്. പുലര്‍ച്ചെ ഉറക്കമുണര്‍ന്നപ്പോള്‍ കൊതുകുവലയ്ക്കുള്ളില്‍ മക്കള്‍ക്കൊപ്പം ചൂടേറ്റ് കിടന്ന അതിഥിയെ കണ്ട വീട്ടമ്മ ഞെട്ടി. പുലര്‍ച്ചെ അഞ്ചരയ്‌ക്കെഴുന്നേറ്റു കണ്ട കാഴ്ചയില്‍ പിഞ്ചോമനകൾക്കൊപ്പം കിടക്കുന്ന പുലി കുട്ടിയെ കണ്ട് ഭയന്നെങ്കിലും നിയന്ത്രണം പാലിച്ച അമ്മ ശബ്ദമുണ്ടാക്കാതെ മക്കളെ എടുത്തു മാറ്റി.

പിന്നീട് അയല്‍ക്കാരെയും വിളിച്ചു വരുത്തി പുലിക്കുട്ടിയെ പിടികൂടി. മനീഷ ബദ്രെയെന്ന അമ്മയാണ് പുലിക്കുട്ടിയെ പിടികൂടിയത്. മൂന്നുമാസം പ്രായമുള്ള പുലിക്കുട്ടിയാണിതെന്ന് ഫോറസ്റ്റ് ഉദ്യോഗസ്ഥര്‍ പറഞ്ഞു. രാത്രിയില്‍ എപ്പോഴെങ്കിലും വീട്ടുകാര്‍ വാതില്‍ തുറന്നപ്പോള്‍ ഇരുട്ടില്‍ പുലി അകത്ത് കയറിയതാകാമെന്നാണ് നിഗമനം. പുലിക്കുട്ടിയെ വനംവകുപ്പിന്റെ പ്രാദേശിക ഓഫീസിലേയ്ക്ക് മാറ്റി.