പൊതു സ്ഥലത്തു മാലിന്യം കത്തിക്കുന്നവര്‍ക്കുള്ള പിഴ ഉയര്‍ത്താന്‍ ബിബിഎംപി ശുപാര്‍ശ ആവശ്യപ്പെട്ട് കര്‍ണാടക മലിനീകരണ നിയന്ത്രണ ബോര്‍ഡ്. നിലവില്‍ 100 രൂപ പിഴ ഈടാക്കുന്ന സ്ഥാനത്ത് 5 മടങ്ങ് വരെ വര്‍ധിപ്പിക്കാനാണ് മലിനീകരണ നിയന്ത്രണ ബോര്‍ഡ് ബിബിഎംപിയോട് ആവശ്യപ്പെട്ടിരിക്കുന്നത്.

വായു മലിനീകരണം ഉയരുന്ന സാഹചര്യത്തിലാണ് നടപടി. ശുചീകരണ തൊഴിലാളികളും മാലിന്യം കൂട്ടിയിട്ട് പലയിടങ്ങളിലും കത്തിക്കുന്നുണ്ട്. മാലിന്യം കത്തിക്കുന്നത് പരിശോധിക്കാന്‍ ബിബിഎംപി മാര്‍ഷലുകളെ രംഗത്തിറക്കിയിരുന്നു.