കാശ്മീരിലെ കുല്‍ഗാം ജില്ലയില്‍ സുരക്ഷാസേന അഞ്ച് ഹിസ്ബുള്‍ മുജാഹിദ്ദീന്‍, ലഷ്‌കര്‍ഇ തൊയ്ബ ഭീകരരെ വധിച്ചു. കെല്ലം ഗ്രാമത്തില്‍ ഇന്നലെ രാവിലെയായിരുന്നു ഏറ്റുമുട്ടല്‍ ആരംഭിച്ചത്. വസീം അഹമ്മദ് റാത്തേര്‍, ആക്വിബ് നസീര്‍ മിര്‍, പര്‍വേസ് അഹമ്മദ് ഭട്ട്, ഇദ്രീസ് അഹമ്മദ് ഭട്ട്, സാഹിദ് അഹമ്മദ് പാറൈ എന്നിവരാണു കൊല്ലപ്പെട്ട ഭീകരര്‍. നിരവധി ആയുധങ്ങളും പ്രദേശത്തുനിന്നു പിടിച്ചെടുത്തു. ഏറ്റുമുട്ടലിനെത്തുടര്‍ന്ന് പ്രദേശത്ത് നാട്ടുകാരും സുരക്ഷാസൈനികരും തമ്മില്‍ ഏറ്റുമുട്ടലുണ്ടായി.