സങ്കൽപ് പത്രയോ ന്യായ് പദ്ധതിയോ? 'സങ്കൽപ് പത്ര' ഒറ്റപ്പെട്ട മനുഷ്യൻ്റെ ശബ്ദമെന്ന് രാഹുൽ ഗാന്ധി
ലോക്സഭാ തെരഞ്ഞെടുപ്പിനായി പുറത്തിറങ്ങിയ ബിജെപിയുടെ പ്രകടന പത്രികയെ വിമര്ശിച്ച് കോൺഗ്രസ് അധ്യക്ഷൻ രാഹുൽ ഗാന്ധി. 'സങ്കൽപ് പത്ര' അടച്ചിട്ട മുറിയിൽ തയ്യാറാക്കിയതാണെന്നും ഒറ്റപ്പെട്ട മനുഷ്യൻ്റെ ശബ്ദമാണെന്നും രാഹുൽ ഗാന്ധി വിമര്ശിച്ചു.
ഇന്നലെ കേന്ദ്ര ആഭ്യന്തരമന്ത്രി രാജ്നാഥ് സിങാണ് ബിജെപിയുടെ പ്രകടന പത്രികയായ ' സങ്കൽപ് പത്ര' പുറത്തിറക്കിയത്. 75 പദ്ധതികള് ഉള്പ്പെടുത്തിയതാണ് പ്രകടന പത്രിക. രാജ്യം 75-ാം സ്വാതന്ത്ര്യ ദിനം ആഘോഷിക്കുന്ന വേള ആയതുകൊണ്ടാണ് 75 പദ്ധതികള് ഉള്പ്പെടുത്തിയതെന്നാണ് ബി ജെ പി നേതൃത്വം പറയുന്നത് .
. ഇന്ത്യയെ മൂന്നാമത്തെ സാമ്പത്തിക ശക്തിയായി ഉയര്ത്തും, രാമക്ഷേത്ര നിര്മ്മാണം, കര്ഷക പെൻഷൻ, ഏകീകൃത സിവിൽകോഡ് തുടങ്ങിയ വാഗ്ദാനങ്ങളാണ് പത്രികയിൽ ഉള്പ്പെടുത്തിയിരിക്കുന്നത്. ഇതോടൊപ്പം ശബരിമലയിലെ വിശ്വാസം സംരക്ഷിക്കുമെന്ന വാഗ്ദാനവും പട്ടികയിലുണ്ട്.
അതേസമയം അഹങ്കാരിയും ഒറ്റയാനുമായ ഒരാളുടെ ശബ്ദമാണ് ബിജെപി പ്രകടന പത്രികയുടേത് എന്നാണു രാഹുൽ ഗാന്ധി പറയുന്നത് .
അടച്ചിട്ട മുറിയിൽ തയ്യാറാക്കിയ ബിജെപി പ്രകടനപത്രികയ്ക്ക് ദീർഘവീക്ഷണമില്ലെന്നും രാഹുൽ ഗാന്ധി ട്വിറ്ററിലൂടെ വിമർശിച്ചു.
കോൺഗ്രസ് പ്രകടനപത്രിക കോടിക്കണക്കിന് വരുന്ന ഇന്ത്യൻ ജനങ്ങളുടെ ശബ്ദമാണ് പ്രതിഫലിപ്പിക്കുന്നതെന്നും രാഹുൽ അവകാശപ്പെട്ടു. വിശദമായ ചർച്ചയ്ക്ക് ശേഷമാണ് കോൺഗ്രസ് പ്രകടന പത്രിക തയാറാക്കിയതെന്നും രാഹുൽ ഗാന്ധി പറഞ്ഞു.
ഏപ്രിൽ 5-ന് കോൺഗ്രസ് പ്രകടന പത്രിക ഇറങ്ങിയിരുന്നു . തൊഴിൽരംഗത്തെ വികസനം, കർഷകരുടെയും സൈനികരുടെയും ക്ഷേമം, ദേശസുരക്ഷ, സദ്ഭരണം, സ്ത്രീസുരക്ഷ എന്നിങ്ങനെയുള്ള വിഷയങ്ങൾക്കാണ് കോൺഗ്രസ് മുൻഗണന നൽകുന്നത്. രാജ്യത്തെ ദാരിദ്ര്യരേഖയ്ക്ക് താഴെയുള്ള ജനങ്ങൾക്ക് വർഷം 72,000 രൂപ ഉറപ്പ് നൽകുന്ന 'ന്യായ്' പദ്ധതിയാണ് കോൺഗ്രസിന്റെ പ്രകടനപത്രികയിലെ ശ്രദ്ധേയ വാഗ്ദാനം.
പത്രികയിലെ സുപ്രധാന വാഗ്ദാനങ്ങൾ
രാമക്ഷേത്ര നിർമ്മാണം
ഏകീകൃത സിവിൽ കോഡ്,പൗരത്വ ബിൽ നടപ്പാക്കും
ഇന്ത്യയെ മൂന്നാമത്തെ സാമ്പത്തിക ശക്തിയാക്കി ഉയർത്തും
കർഷകർക്ക് 6000 രൂപ വാര്ഷിക സഹായം
60 വയസിന് മുകളിലുള്ള ചെറുകിട കർഷകർക്ക് പെൻഷൻ
ഗ്രാമീണ വികസനത്തിനായി 25ലക്ഷം കോടി
കർഷകർക്ക് ഒരുലക്ഷം രൂപയുടെ വരെ പലിശരഹിത വായ്പ
ഉറപ്പുള്ള ഭവനം, എല്ലാവീടുകളിലും വാട്ടർ കണക്ഷൻ
സ്ത്രീകൾക്ക് കൂടുതൽ തൊഴിൽ പ്രാതിനിധ്യം, മുത്തലാഖ്-നിക്കാഹ് ഹലാല ആചാരങ്ങൾ ഇല്ലാതാക്കും. പ്രസവാരോഗ്യ സംരക്ഷണം ചെലവ് താങ്ങാവുന്ന തരത്തിലാക്കും എന്നിവയെല്ലാമാണ് സങ്കല്പ പത്ര വാഗ്ദാനം നൽകുന്നത് .
കോണ്ഗ്രസ് പ്രകടനപത്രികയിലെ ‘ന്യായ്’പദ്ധതിക്ക് ബദലായി ആണ് ബി ജെ പി സങ്കല്പ പത്ര കൊണ്ടുവന്നത് . ദരിദ്രര്ക്ക് വര്ഷം72,00രൂപ വരുമാനം ഉറപ്പാക്കുന്ന ന്യായ് പദ്ധതി ഇതിനകംതന്നെ വോട്ടര്മാരുടെ ഇടയില് ചലനം ഉണ്ടാക്കിയിട്ടുണ്ട്. ഇനി സങ്കല്പ പത്ര വോട്ടർമാരെ എങ്ങനെ സ്വാധീനിക്കുമെന്നു നോക്കാം
https://www.facebook.com/Malayalivartha