ബാബരിമസ്ജിദ് തകര്ത്തതില് അഭിമാനം ; ബാബരി മസ്ജിദ് തകര്ത്തതില് തനിക്ക് കുറ്റബോധമില്ലെന്നും അതില് അഭിമാനിക്കുകയാണെന്നുമുള്ള വിവാദ പരാമര്ശവുമായി ബി.ജെ.പി സ്ഥാനാര്ത്ഥി പ്രജ്ഞ സിംഗ് ഠാക്കൂര്
ബാബരി മസ്ജിദ് തകര്ത്തതില് തനിക്ക് കുറ്റബോധമില്ലെന്നും അതില് അഭിമാനിക്കുകയാണെന്നുമുള്ള വിവാദ പരാമര്ശവുമായി ബി.ജെ.പി സ്ഥാനാര്ത്ഥി പ്രജ്ഞ സിംഗ് ഠാക്കൂര് രംഗത്തെത്തി. ജാമ്യത്തിലിറങ്ങിയ മലേഗാവ് സ്ഫോടന കേസിലെ പ്രതിയായ പ്രജ്ഞ സിംഗ് കഴിഞ്ഞ ആഴ്ചയാണ് ബി.ജെ.പിയില് ചേര്ന്നത്, ഇതിന് പിന്നാലെ ഇവരെ ഭോപ്പാലിലെ ലോക്സഭാ സ്ഥാനാര്ത്ഥിയായി പ്രഖ്യാപിക്കുകയും ചെയ്തു. ഒരു ദേശീയ മാദ്ധ്യമത്തിന് നല്കിയ അഭിമുഖത്തിലായിരുന്നു പ്രജ്ഞയുടെ വിവാദ പരാമര്ശം.
ബാബരി മസ്ജിദ് തകര്ത്തതിന്റെ പേരില് ഞങ്ങള് എന്തിന് പശ്ചാത്തപിക്കണം? അതില് അഭിമാനിക്കുകയാണ് വേണ്ടത്. രാമക്ഷേത്രത്തിന്റെ ചില അവശിഷ്ടങ്ങള് ഞങ്ങള് നീക്കം ചെയ്തു. അതില് രാജ്യത്തിന്റെ ആത്മാഭിമാനമാണ് ഉയര്ന്നത്, ഞങ്ങള് അവിടെ ഒരു രാമക്ഷേത്രം പണിയുക തന്നെ ചെയ്യും'' - പ്രജ്ഞ സിംഗ് ഠാക്കൂര് പറഞ്ഞു. മസ്ജിദ് തകര്ത്ത പ്രദേശത്ത് രാമക്ഷേത്രം നിര്മിക്കാത്തത് എന്തെന്നാല് ബി.ജെ.പി ഇതൊരു രാഷ്ട്രീയ വിഷയമായി എടുത്തിട്ടില്ലെന്നായിരുന്നു പ്രജ്ഞയുടെ മറുപടി.
ഇത്രയും കാലം കോണ്ഗ്രസ് ഭരിച്ച രാജ്യത്ത് എന്താണ് ചെയ്തത്? ഒരു ക്ഷേത്രം പോലും സുരക്ഷിതമല്ല. ബാബരി മസജിദ് തകര്ത്തതിലൂടെ ഹിന്ദുക്കള് രാജ്യത്തിന്റെ ആത്മമാഭിമാനം ഉയര്ത്തുകയാണ് ചെയ്തത്. ഇവിടെ അല്ലെങ്കില് പിന്നെവിടെയാണ് രാമക്ഷേത്രം നിര്മിക്കുക?'' - പ്രജ്ഞ ചോദിച്ചു.
ജനങ്ങള് എനിക്കൊപ്പമാണ്, എന്റെ സ്ഥാനാര്ത്ഥിത്വം അവര്ക്ക് വലിയ പ്രചോദനമായിട്ടുണ്ട്. ലോക്സഭ തിരഞ്ഞെടുപ്പിലേക്ക് എന്റെ പേര് പ്രഖ്യാപിച്ചതോടെ അവരുടെ ആത്മവിശ്വാസം ഇരട്ടിച്ചിരിക്കുകയാണെന്ന് പ്രജ്ഞ വ്യക്തമാക്കി. മലേഗാവ് സ്ഫോടന കേസില് തന്നെ പ്രതിയാക്കിയതിന് ഹേമന്ദ് കര്ക്കറെയെ ശപിച്ചിരുന്നെന്നും അതിന്റെ ഫലമാണ് അദ്ദേഹത്തിന് കിട്ടിയതെന്നുമായിരുന്നു പ്രജ്ഞ പറഞ്ഞത്. അതേസമയം, ഹേമന്ദ് കര്ക്കറെയെ കുറിച്ചുള്ള പ്രജ്ഞയുടെ പ്രതികരണത്തെ കുറിച്ച് തിരഞ്ഞെടുപ്പ് കമ്മീഷന് ഇവരോട് വിശദീകരണം ആവശ്യപ്പെട്ടിരിക്കുകയാണ്.
https://www.facebook.com/Malayalivartha