രാജ്യ തലസ്ഥാനത്ത് ചർച്ചകൾ സജീവം; സിപിഎം ജനറൽ സെക്രട്ടറി സീതാറാം യെച്ചൂരിയും കോണ്ഗ്രസ് അധ്യക്ഷൻ രാഹുൽ ഗാന്ധിയുമായി കൂടിക്കാഴ്ച നടത്തി
ലോക്സഭാ തെരഞ്ഞെടുപ്പ് ഫലം വ്യാഴാഴ്ച വരാനിരിക്കെ കേന്ദ്രത്തിൽ ബിജെപി ഇതരമുന്നണി ചർച്ചകൾ സജീവമാക്കി പ്രതിപക്ഷ പാർട്ടികൾ രംഗത്ത്. ഞായറാഴ്ച സിപിഎം ജനറൽ സെക്രട്ടറി സീതാറാം യെച്ചൂരിയും കോണ്ഗ്രസ് അധ്യക്ഷൻ രാഹുൽ ഗാന്ധിയുമായി കൂടിക്കാഴ്ച നടത്തി. ഡൽഹിയിലായിരുന്നു കൂടിക്കാഴ്ച. നിലവിലെ രാഷ്ട്രീയ സാഹചര്യം സംബന്ധിച്ച് ഇരുനേതാക്കളും ചർച്ച നടത്തി.
ആന്ധ്ര മുഖ്യമന്ത്രി ചന്ദ്രബാബു നായിഡു ഇന്നും രാഹുൽ ഗാന്ധിയുമായും കൂടിക്കാഴ്ച നടത്തിയിരുന്നു. ശനിയാഴ്ചയും നായിഡു രാഹുലുമായി ചർച്ച നടത്തിയിരുന്നു. മോദിയെയും ബിജെപിയെയും അധികാരത്തിൽനിന്നു പുറത്താക്കി പ്രതിപക്ഷ ഐക്യം രൂപീകരിക്കുകയാണ് നായിഡുവിന്റെ ലക്ഷ്യം.
https://www.facebook.com/Malayalivartha