നിര്‍മ്മല സീതാരാമന്‍.....സെയിൽസ് ഗേളിൽനിന്നും ഇന്ത്യയുടെ ഖജനാവ് സൂക്ഷിപ്പുകാരിയിലേക്കുള്ള  വളർച്ചയിൽ തെളിഞ്ഞത് സമർപ്പണബോധവും  കഠിനാധ്വാനവും ...

ഇന്ദിരാഗാന്ധിയ്ക്ക് ശേഷം പാർലമെന്റിൽ ബജറ്റ് അവതരിപ്പിക്കാനൊരുങ്ങുന്ന ബി ജെ പി യിലെ ശക്തമായ  സ്ത്രീ സാന്നിധ്യമായ നിർമല സീതാരാമനെക്കുറിച്ച് കൂടുതലറിയാം ..

രാഷ്ട്രീയ പാരമ്പര്യം തെല്ലുമില്ലാത്ത സാധാരണ തമിഴ് കുടുംബത്തിൽ   1959 ഓഗസ്റ്റ് 18ന് ജനിച്ചു. സീതാലക്ഷ്മി രാമസ്വാമി കോളേജിൽ നിന്നും 1980ൽ ബിരുദം..ജവഹർലാൽ നെഹ്റു യൂണിവേഴ്സിറ്റിയിൽ നിന്നും  ഇക്കണോമിക്‌സിൽ ബിരുദാനന്തര ബിരുദവും എം.ഫില്ലും...

രാഷ്ട്രീയ വിമർശകനായ ഡോ. പറക്കല പ്രഭാകറിനെ വിവാഹം ചെയ്തു ലണ്ടനിലേക്ക് പോയി. അവിടെ സെയിൽസ് ഗേളായും ജോലി ചെയ്തു. യു കെ അഗ്രിക്കൾച്ചറൽ എൻജിനീയേഴ്സിന്റെ അസിസ്റ്റന്റ് ഇക്കണോമിസ്റ്റ് രാജ്യാന്തര ഓഡിറ്റ് സ്ഥാപനമായ പ്രൈസ് വാട്ടര്‍ഹൗസില്‍ സീനിയര്‍ മാനേജരായും ബി.ബി.സി. വേള്‍ഡിലും ജോലിചെയ്തു..

 1991 ൽ ഇന്ത്യയിലേക്ക് തിരിച്ചു വന്നു. ഹൈദരാബാദിൽ ഒരു സ്‌കൂൾ സ്ഥാപിച്ചു ..ഹൈദരാബാദിലെ സെന്റര്‍ ഫോര്‍ പബ്ലിക് പോളിസി സ്റ്റഡീസില്‍ ഡെപ്യൂട്ടി ഡയറക്ടറായി പ്രവർത്തിച്ചു . കരിയർ ഗ്രാഫിൽ ഒരിക്കൽ പോലും താഴ്ചകളുണ്ടായില്ല. 

2003 മുതൽ  2005 വരെ നാഷണൽ വിമൻസ് കമ്മീഷനിൽ അംഗം ..പിന്നീട് 2006 ൽ ബി ജെ പിയിൽ അംഗമായി 2010 ൽ ബി ജെ പി യുടെ ദേശീയ  വക്താവ് എന്ന നിലയിലേക്കുയർന്നു. 2014 ലെ   ഇലക്ഷനിൽ സീറ്റ് കിട്ടിയില്ലെങ്കിലും  കർണാടകത്തിൽനിന്നും രാജ്യസഭംഗമായി പാർലമെന്റിൽ എത്തി. 

2014 മേയ് 26ന് മോദി മന്ത്രിസഭയിൽ അംഗമായ നിർമ്മല സീതാരാമൻ വാണിജ്യ വ്യവസായ വകുപ്പിന്റെ സ്വതന്ത്ര ചുമതലയുള്ള സഹമന്ത്രിയായും പ്രവർത്തിച്ചിട്ടുണ്ട്. ഇതിനൊപ്പം ധനകാര്യം‌, കോർപ്പറേറ്റ് കാര്യം എന്നീ വകുപ്പുകളുടെ ചുമതലയും സീതാരാമന് ഉണ്ടായിരുന്നു.

2017 മുതൽ പ്രതിരോധവകുപ്പിന്റെ തലപ്പത്ത് ..ബാലക്കോട് ആക്രമണം , റാഫേൽ ഇടപാട് എന്നിവയ്ക്ക് കീറി മുറിച്ചു തന്റെ തനതായ ശൈലിയിൽ മറുപടി പറഞ്ഞു .ഇന്ദിരാഗാന്ധിയ്ക്ക് ശേഷം പ്രതിരോധ വകുപ്പ് കൈകാര്യം ചെയ്ത വനിത കൂടിയാണ് നിർമ്മല സീതാരാമൻ

ഒരുപക്ഷെ   ബാലക്കോട് ആക്രമണം , റാഫേൽ ഇടപാട് എന്നിവയിൽ നിർമലാ സീതാരാമൻ കൈക്കൊണ്ട കരുത്തുറ്റ  നിലപാടുകൾ തന്നെയാകാം മോദി കണക്കിലെടുത്തത് . ഓഖി ദുരന്തമുണ്ടായ കടൽ തീരത്തും സജീവ സാന്നിധ്യമായിരുന്നു നിർമല സീതാരാമൻ 

സുഷമ സ്വരാജിന് ശേഷം ബി ജെ പി മന്ത്രി സഭയിൽ ചുവടുറപ്പിക്കുന്ന ശക്തമായ സ്ത്രീ സാന്നിധ്യമാണ് നിർമല സീതാരാമൻ .  ഇന്ദിരാ ഗാന്ധി 1970-71 കാലഘട്ടത്തിൽ ധനകാര്യ വകുപ്പ് കൂടി കൈകാര്യം ചെയ്തിരുന്നു. എന്നാൽ ആദ്യമായാണ് ധനകാര്യ വകുപ്പിന് മാത്രമായി ഒരു വനിതാ മന്ത്രിയെ ചുമതലപ്പെടുത്തുന്നത്. 

നിർമ്മല സീതാരാമനും ഭർത്താവും ഒരു മകളും അടങ്ങുന്ന കുടുംബം ഇപ്പോൾ ഹൈദരാബാദിലാണ് താമസം. കുടുംബത്തോടൊപ്പമുള്ള യാത്രകൾ, ട്രെക്കിംഗ്, പാചകം, സംഗീതം തുടങ്ങിയവയാണ് ഇന്ത്യയുടെ ഈ ധനകാര്യമന്ത്രിയുടെ മറ്റ് വിനോദങ്ങൾ