കൊച്ചി മെട്രോയുടേയും തിരുവനന്തപുരം-കോഴിക്കോട്‌ മോണോ റയിലിന്റേയും നിര്‍മ്മാണ ചുമതല ഏറ്റെടുക്കാന്‍ ഡല്‍ഹി മെട്രോ കോര്‍പറേഷന്‌ സാധിക്കില്ലന്ന്‌ ഡല്‍ഹി മുഖ്യമന്ത്രി ഷീല ദീക്ഷിത്‌. മുഖ്യമന്ത്രി ഉമ്മന്‍ചാണ്ടിക്കയച്ച കത്തിണ്‌ ഡല്‍ഹി മുഖ്യമന്ത്രി ഇക്കാര്യം വ്യക്തമാക്കിയത്.പദ്ധതി ഏറ്റെടുക്കാന്‍ പ്രതിരോധമന്ത്രി എ.കെ.ആന്റണി നീക്കങ്ങള്‍ നടത്തുന്നുണ്ട്‌. കഴിഞ്ഞ ദിവസങ്ങളില്‍ പ്രധാനമന്ത്രി ഡോ. മന്‍മോഹന്‍ സിംഗ്‌, കോണ്‍ഗ്രസ്‌ അധ്യക്ഷ സോണിയാ ഗാന്ധി എന്നിവരുമായി എ.കെ.ആന്റണി ഇക്കാര്യം ചര്‍ച്ച നടത്തിയിരുന്നു. ഈ പദ്ധതികളുടെ നിര്‍മ്മാണ ചുമതല ഡല്‍ഹി മെട്രോ കോര്‍പറേഷന്‍ ഏറ്റെടുക്കണമെന്ന്‌ മുഖ്യമന്ത്രി ഉമ്മന്‍ചാണ്ടി ഡല്‍ഹി മുഖ്യമന്ത്രി ഷീല ദീക്ഷിതിനോട്‌ കത്തിലൂടെ ആവശ്യപ്പെട്ടിരുന്നു.