പഞ്ചാബിലെ ലുധിയാന സെന്‍ട്രല്‍ ജയിലില്‍ ഗുണ്ടാ സംഘങ്ങള്‍ തമ്മിലുണ്ടായ ഏറ്റുമുട്ടലില്‍ ഒരാള്‍ മരിച്ചു. ഗുണ്ടാസംഘം നടത്തിയ കല്ലേറില്‍ എസിപി അടക്കം മുപ്പതിലേറെ പേര്‍ക്ക് പരിക്കേറ്റു. സ്ഥിതിഗതികള്‍ നിയന്ത്രിക്കാന്‍ പോലീസിന് വെടിവെക്കേണ്ടി വന്നുവെന്നാണ് റിപ്പോര്‍ട്ട്. ഇന്നലെ ഉച്ചകഴിഞ്ഞാണ് ഗുണ്ടാസംഘം ജയിലില്‍ അക്രമം അഴിച്ചുവിട്ടത്.
ലഹരിമരുന്ന് കേസിലെ പ്രതി സണ്ണി സൂദ് പട്യാലയിലെ ആശുപത്രിയില്‍ മരിച്ചിരുന്നു. സൂദിനെ പോലീസ് വധിച്ചതാണെന്ന് ആരോപിച്ചായിരുന്നു ജയില്‍ കലാപം. ജയില്‍ സൂപ്രണ്ടിന്റെ വാഹനം തകര്‍ത്ത ഗുണ്ടകള്‍ പ്രധാന കവാടത്തിലൂടെ രക്ഷപ്പെടാനും ശ്രമം നടത്തി. വന്‍ പോലീസ് സംഘമെത്തിയാണ് സ്ഥിതിഗതികള്‍ നിയന്ത്രിച്ചത്.