കോണ്‍ഗ്രസ് നേതാവ് ജ്യോതിരാദിത്യ സിന്ധ്യ എ.ഐ.സി.സി ജനറല്‍ സെക്രട്ടറി സ്ഥാനം രാജിവെച്ചു. തെരഞ്ഞെടുപ്പ് പരാജയത്തിന്റെ ഉത്തരവാദിത്വം ഏറ്റെടുത്താണ് രാജി വച്ചത്. ലോക്‌സഭ തെരഞ്ഞെടുപ്പ് ഫലത്തിന്റെ ഉത്തരവാദിത്വം ഏറ്റെടുത്ത് രാഹുല്‍ ഗാന്ധി കോണ്‍ഗ്രസ് അധ്യക്ഷ സ്ഥാനം രാജിവെച്ചതിന് പിന്നാലെയാണ് സിന്ധ്യയും സ്ഥാനമൊഴിയുന്നത്.തെരഞ്ഞെടുപ്പ് പരാജയത്തിന്റെ ഉത്തരവാദിത്തം ഏറ്റെടുത്ത് മധ്യപ്രദേശ് മുഖ്യമന്ത്രി കമല്‍നാഥ് സ്ഥാനമൊഴിഞ്ഞിരുന്നു.

മധ്യപ്രദേശ് കോണ്‍ഗ്രസിന്റെ അധ്യക്ഷ സ്ഥാനമാണ് കമല്‍നാഥ് രാജിവെച്ചത്. കോണ്‍ഗ്രസ് നേതാക്കളായ ദീപക് ബാറിയ, വിവേക് തന്‍ഹ എന്നിവരും പാര്‍ട്ടി പദവികള്‍ രാജിവെച്ചിരുന്നു. രാഹുല്‍ ഗാന്ധി സ്ഥാനമൊഴിഞ്ഞതിനാല്‍ പുതിയ അധ്യക്ഷനായിരിക്കും ഇവരുടെ രാജി അംഗീകരിക്കുക. അതുവരെ ഇവര്‍ തല്‍സ്ഥാനത്ത് തുടരും.