തന്റെ ലൈംഗിക ആവശ്യം നിരസിച്ചതിനെ തുടർന്ന് യുവതിയെ കൊലപ്പെടുത്തി ഭര്ത്താവ്;നാടിനെ നടുക്കി യ സംഭവം നടന്നത് യൂ പി യിൽ
ഉത്തർപ്രദേശിലെ സിദ്ധാര്ഥ്നഗര് ജില്ലയിലെ കക്രപൊകര് എന്ന പ്രദേശത്താണ് നാടിനെ നടുക്കിയ സംഭവം അരങ്ങേറുന്നത്. സംഭവത്തില് അന്വറുല് ഹസനെ (24) അറസ്റ്റ് ചെയ്തു. ഭാര്യയായ മെഹ്സിന(21)യെയാണ് ഇയാൾ കൊലപ്പെടുത്തിയത്. ഒരു വര്ഷം മുമ്പാണ് ഇവരുടെ വിവാഹം കഴിഞ്ഞത്.ഭാര്യ തന്റെ ലൈംഗിക ആവശ്യം നിരസിച്ചതിനെ തുടര്ന്നാണ് കൊലപാതകമെന്ന് ഇയാള് പൊലീസിനോട് പറഞ്ഞു.
സൂറത്തില് ജോലി ചെയ്യുന്ന ഹസന് രണ്ട് ദിവസം മുമ്പാണ് വീട്ടിലെത്തിയത്. ശനിയാഴ്ച രാവിലെ ഇവര് താമസിക്കുന്ന വീട്ടില്നിന്ന് നിലവിളി കേട്ടപ്പോള് അയല്ക്കാരാണ് പൊലീസില് വിവരമറിയിച്ചത്. തുടർന്ന് പൊലീസെത്തിയപ്പോള് മെഹ്സിന മരിച്ചു കിടക്കുന്നതും ഹസന് രക്തത്തില് കുളിച്ചുകിടക്കുന്നതുമാണ് കണ്ടത്. ഇയാള് തന്റെ സ്വകാര്യഭാഗങ്ങളില് മാരകമായ മുറിവേല്പ്പിച്ചതായി പൊലീസ് പറഞ്ഞു. ഹസനെ ബിആര്ഡി മെഡിക്കല് കോളജിലേക്ക് മാറ്റി. അതേസമയം, സ്ത്രീധനത്തിന്റെ പേരില് ഹസന് മകളെ ഉപദ്രവിച്ചിരുന്നതായി മെഹ്സിനയുടെ പിതാവ് ആരോപിച്ചു.
https://www.facebook.com/Malayalivartha
