യുപിയില് മൂന്ന് തലയുള്ള പെൺകുഞ്ഞ് ജനിച്ചു..പിശാച് ബാധിച്ചതാണെന്ന് ഗ്രാമവാസികള്...
എത്താ ജില്ലയില് ഉള്ള പിലുവ ഗ്രാമത്തിൽ മൂന്നുതലയുമായി ജനിച്ച പെണ്കുട്ടി അത്ഭുതമാകുന്നു. ഒപ്പം വേദനയും .
കുഞ്ഞിന്റെ തലയുടെ പിന്ഭാഗത്ത് തലയുടെ ആകൃതിയിലുള്ള രണ്ടു വളർച്ചകളാണ് ഉള്ളത് . തലപോലെ തന്നെ ഇരിക്കുന്ന ഈ വളര്ച്ചകളില് അവയവങ്ങള് ഒന്നുമില്ലെന്നാണ് ഡോക്ടര്മാര് പറയുന്നത്. എന്നാൽ തലയോട്ടികൾ പരസ്പരം ബന്ധപ്പെട്ടിരിക്കുന്നു. ഇത് ഒരുതരം ന്യൂറല് ട്യൂബ് ഡിഫക്ട് (NTD) ആണെന്ന് ഡോക്ടര്മാര് പറഞ്ഞു.
ഈ മാസം പതിനൊന്നിന് ജില്ലയിലെ ഒരു പ്രാഥമികാരോഗ്യ കേന്ദ്രത്തില് ആണ് പിലുവ ഗ്രാമത്തിലെ യുവതി മൂന്ന് തലയുള്ള കുഞ്ഞിനെ പ്രസവിച്ചത്. ഗര്ഭകാലത്ത് ഒരു തരത്തിലുള്ള ബുദ്ധിമുട്ടും പെണ്കുട്ടിക്ക് ഉണ്ടായിട്ടില്ല. ആശുപത്രിയില് ഒന്നു രണ്ടുതവണ വന്നുപോയി. എങ്കിലും സ്കാനിംഗിന് വിധേയ ആവുകയോ മാറ്റ് ടെസ്റ്റുകൾ നടത്തുകയോ ചെയ്തിരുന്നില്ല.
ഈ മാസം 11 ന് കടുത്ത പ്രസവവേദനയുമായി എത്തിയ യുവതിയെ ഡോക്ടര്മാര് അഡ്മിറ്റ് ചെയ്തു. ഉടന് തന്നെ പ്രസവിക്കുകയും ചെയ്തു. പ്രസവശേഷമാണ് കുട്ടിക്ക് ഇങ്ങനെയൊരു അസാധാരണത്വം ഉള്ളതായി അറിയുന്നത് ..അമ്മയെയും കുഞ്ഞിനെയും ജില്ലാ ആശുപത്രിയിലേക്ക് മാറ്റിയിട്ടുണ്ട്.
അതേസമയം, കുഞ്ഞിന് ആരോഗ്യ പ്രശ്നങ്ങളൊന്നുമില്ലെന്നാണ് ഡോക്ടര്മാര് പറയുന്നത്. ഒന്നിലധികം തലയുമായി ജനിച്ച കുഞ്ഞുങ്ങള് ഇതിനു മുൻപും ഉണ്ടായിട്ടുണ്ടെന്നും അവർക്ക് വിജയകരമായി ശസ്ത്രക്രിയ നടത്താന് കഴിഞ്ഞിട്ടുണ്ടെന്നും ഈ കുഞ്ഞിന്റെ കാര്യത്തില് അത് പ്രാവര്ത്തികമാണോയെന്ന് പരിശോധിക്കുമെന്നും ഡോക്ടര്മാര് പറഞ്ഞു..
എന്നാല്, മൂന്നുതലയുമായി കുഞ്ഞ് ജനിച്ചത് പിശാച് ബാധമൂലമാണെന്ന് ആരോപിച്ച് ഗ്രാമവാസികള് രംഗത്തെത്തിയിട്ടുണ്ട്. കുഞ്ഞ് ഗ്രാമത്തിനാകെ ദോഷം ചെയ്യുമെന്നും ഇവര് പ്രചരിപ്പിച്ചു തുടങ്ങി..
https://www.facebook.com/Malayalivartha