മുംബൈയിലെ ടെലികോം കമ്പനി കെട്ടിടത്തില് തീപ്പിടിത്തം; 100 പേര് കെട്ടിടത്തിൽ കുടുങ്ങി..
മുംബൈ നഗരത്തിന് സമീപത്തെ ബാന്ദ്രയില് സര്ക്കാര് ടെലികോം കമ്പനിയായ എംടിഎന്എല് എക്സ്ചേഞ്ച് ഒമ്പതുനില കെട്ടിടത്തില് വന് തീപ്പിടിത്തം. ആളപായമൊന്നും ഇതുവരെ റിപ്പോർട്ട് ചെയ്യപ്പെട്ടിട്ടില്ല.
കെട്ടിടത്തിന്റെ മൂന്ന്,നാല് നിലകളിലാണ് തീപടര്ന്നത്. നൂറോളം ആളുകള് കെട്ടിടത്തിന്റെ ടെറസില് കുടുങ്ങിക്കിടക്കുന്നുണ്ടെന്നാണ് പ്രാഥമിക റിപ്പോർട്ടുകൾ
നാല്പ്പത് അഗ്നിശമന സേനാ വാഹനങ്ങള് തീപ്പിടിത്തം നിയന്ത്രിക്കാന് രംഗത്തെത്തിയിട്ടുണ്ട്. ബാന്ദ്രയിലെ എസ്വി റോഡില് സ്ഥിതി ചെയ്യുന്ന ഒമ്പതു നിലക്കെട്ടിടത്തിന്റെ മൂന്നാം നിലയിലും നാലാം നിലയിലുമാണ് തീ ആളിപ്പടര്ന്നത്.തീപ്പിടിത്തത്തിന്റെ കാരണം വ്യക്തമായിട്ടില്ല. എന്നാല്, തീ പടരും മുമ്പ് വയര് കത്തുന്നതിന്റെ മണം അനുഭവപ്പെട്ടതായി സമീപവാസികള് പറഞ്ഞു. അതിനാൽ ഷോർട് സർക്യൂട്ട് ആകും തീ പിടുത്തത്തിനു കാരണമെന്നാണ് നിഗമനം
അഗ്നിശമന സേനാ ജീവനക്കാര് കെട്ടിടത്തിനകത്ത് പ്രവേശിച്ച് ആളുകളെ ഒഴിപ്പിസിച്ചുകൊണ്ടിരിക്കുന്നു. . നിരവധി പേരെ അഞ്ചാം നിലയില് നിന്ന് പുറത്തേക്കെത്തിച്ചിട്ടുണ്ട്. എം ടി എന് എല്ലിന്റെ ഓഫീസ് പ്രവര്ത്തിക്കുന്ന കെട്ടിടമാണിത്. തീയണയ്ക്കാന് പതിന്നാല് ഫയര് എഞ്ചിനുകള് സ്ഥലത്തെത്തിയിട്ടുണ്ട്
https://www.facebook.com/Malayalivartha