ഡെലിവറി ബോയ് ഹിന്ദുവല്ല ; ഓർഡർ പിൻവലിച്ച ഉപഭോക്താവിന് സോമാറ്റോ നൽകിയത് കലക്കൻ മറുപടി; ഏറ്റെടുത്തു സമൂഹ മാധ്യമങ്ങൾ
സോമാറ്റോയിൽ ഓർഡർ ചെയ്ത ആഹാരം നൽകാൻ വരുന്നത് ഹിന്ദുവല്ലെന്ന കാരണത്താൽ ഓര്ഡര് പിൻവലിച്ചു. ഇങ്ങനെ ചെയ്ത വ്യക്തിക്ക് സൊമറ്റോയുടെ സ്ഥാപകന് നൽകിയത് കലക്കൻ മറുപടി. ഹിന്ദുവല്ലാത്തയാളാണ് ഭക്ഷണം കൊണ്ടു വരുന്നതെന്ന് അറിഞ്ഞ ഉടൻ ഡെലിവറി ബോയിയെ മാറ്റാന് അയാൾ ആവശ്യപ്പെട്ടു. എന്നാൽ മാറ്റാൻ തയ്യാറായില്ലെന്നും, ക്യാന്സല് ചെയ്താല് പണം തിരികെ നല്കില്ലെന്നും അവര് പറഞ്ഞതായി അമിത് ശുക്ല എന്നയാള് ട്വിറ്ററില് പോസ്റ്റ് ചെയ്തു. ആ ഓര്ഡര് സ്വീകരിക്കാന് നിങ്ങള്ക്കെന്നെ നിര്ബന്ധിക്കാനാവില്ലെന്നും തനിക്ക് പണം തിരികെ വേണ്ട ഓര്ഡര് ക്യാന്സല് ചെയ്താല് മതിയെന്ന നിലപാടിൽ അയാൾ ഉറച്ചു നിൽക്കുകയും ചെയ്തു. നിമിഷങ്ങൾക്കകം തന്നെ പോസ്റ്റ് വൈറലായി.
അധികം വൈകാതെ തന്നെ സൊമാറ്റോയുടെ മറുപടിയെത്തി. ഭക്ഷണത്തിന് മതമില്ലെന്നും ഭക്ഷണമെന്നത് മതമാണെന്നുമായിരുന്നു ഈ പോസ്റ്റിന് സൊമാറ്റോ നല്കിയ മറുപടി. അമിത് ശുക്ലയുടെ ട്വീറ്റ് വൈറലായി പോസ്റ്റിന് മറുപടി നല്കി ആളുകള് തമ്മിൽ അടി തുടങ്ങിയപ്പോഴായിരുന്നു സൊമാറ്റോയുടെ സ്ഥാപകന് ദീപീന്ദര് ഗോയല് ഉഗ്രൻ മറുപടിയുമായി എത്തിയത്. ഇന്ത്യയുടെ സംസ്കാരത്തില് അഭിമാനമുണ്ടെന്നും വ്യത്യസ്ത വിഭാഗക്കാരായ ഉപഭോക്താക്കളെക്കുറിച്ച് ബഹുമാനമുണ്ടെന്നും എന്നാല് മൂല്യങ്ങളെ ഖണ്ഡിച്ച് വരുന്ന ഓര്ഡറുകള് നഷ്ടമാകുന്നതില് വിഷമമില്ലെന്നുമാണ് ദീപിന്ദര് ഗോയല് ട്വീറ്റ് ചെയ്തത്.
https://www.facebook.com/Malayalivartha
