റിപ്പബ്ലിക്ദിന ചടങ്ങില്‍ പങ്കെടുക്കാന്‍ കഴിയുന്നത് വലിയ അംഗീകാരം; ഒബാമ
ഇന്ത്യയുടെ റിപ്പബ്ലിക് ദിനാഘോഷ ചടങ്ങില്‍ പങ്കെടുക്കാന്‍ കഴിഞ്ഞത് വലിയ അംഗീകാരമായി കാണുന്നതായി അമേരിക്കന്‍ പ്രസിഡന്റ് ബറാക് ഒബാമ. രാഷ്ട്രപതിഭവനില്‍ ലഭിച്ച ഊഷ്മള വരവേല്‍പിനു ശേഷം മാധ്യമങ്ങളോട് സംസാരിക്കവെയാണ് ഒബാമ ഇക്കാര്യം പറഞ്ഞത്.
മന്ത്രിസഭയിലെ മുതിര്‍ന്ന അംഗങ്ങളായ രാജ്‌നാഥ് സിംഗ്, സുഷമ സ്വരാജ്, വെങ്കയ്യ നായിഡു, മനോഹര്‍ പരീഖര്‍ എന്നിവരും രാഷ്ട്രപതിഭവനില്‍ ഒബാമയെ സ്വീകരിക്കാനെത്തിയിരുന്നു. തുടര്‍ന്ന് ഒബാമ രാജ്ഘട്ടിലെത്തി ഗാന്ധിസമാധിയില്‍ പുഷ്പാര്‍ച്ചന നടത്തുകയും വൃക്ഷതൈ നടുകയും ചെയ്തു.
ഹോട്ടലില്‍ നിന്നും രാഷ്ട്രപതിഭവനിലെത്തിയ ഒബാമയെ രാഷ്ട്രപതി പ്രണബ് കുമാര്‍ മുഖര്‍ജി, പ്രധാനമന്ത്രി നരേന്ദ്ര മോദി എന്നിവര്‍ ചേര്‍ന്നാണ് സ്വീകരിച്ചത്. തുടര്‍ന്ന് ഒബാമ ഗാര്‍ഡ് ഓഫ് ഓണര്‍ പരിശോധിച്ചു. ഇതുവരെ കണാത്ത വിധത്തിലുള്ള ഗംഭീര സ്വീകരണമാണ് രാഷ്ട്രപതിഭവനില്‍ ഒബാമയ്ക്ക് നല്‍കിയത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
