വിശാഖപട്ടണം തീരത്ത് ഇന്ത്യന്‍ തീരരക്ഷാ സേനയുടെ കപ്പലിനു തീപിടിച്ച് അപകടമുണ്ടായി. കപ്പലിലുണ്ടായിരുന്നവര്‍ വെള്ളത്തില്‍ ചാടി രക്ഷപ്പെട്ടു.

വലിയ സ്ഫോടനത്തെ തുടര്‍ന്ന് കോസ്റ്റല്‍ ജാഗ്വര്‍ എന്ന കപ്പലില്‍ തീപിടിത്തമുണ്ടായത് രാവിലെ 11.30-ഓടെയാണ്.

മേഖലയിലുണ്ടായിരുന്ന റാണി റാഷ്മോണി എന്ന കോസ്റ്റ് ഗാര്‍ഡ് കപ്പല്‍ ഉടന്‍ തന്നെ രക്ഷാപ്രവര്‍ത്തനത്തിന് എത്തി.

വെള്ളത്തില്‍ ചാടിയ 28 പേരെ രക്ഷപ്പെടുത്തി. ഒരാളെ കാണാതായിട്ടുണ്ട്. കാണാതായ ഒരാള്‍ക്കു വേണ്ടി തിരച്ചില്‍ തുടരുകയാണ്. ഹെലികോപ്ടറും രക്ഷാപ്രവര്‍ത്തനത്തിന് എത്തിയിരുന്നു.