യുവാവിനൊപ്പം ഒളിച്ചോടിയ പെൺകുട്ടിയോട് ഗ്രാമ മുഖ്യൻ ചെയ്തത് കൊടും ക്രൂരത ; സംഭവം ഇങ്ങനെ
കാമുകനൊപ്പം ഒളിച്ചോടിപ്പോയ പെണ്കുട്ടിയെ ഗ്രാമമുഖ്യൻ ക്രൂരമായി മര്ദ്ദിച്ചു. പെണ്കുട്ടിയെ നടു റോഡിലിട്ട് ഗ്രാമമുഖ്യന് മര്ദ്ദിക്കുന്നതിന്റെ വീഡിയോ പുറത്ത്. പോലീസ് ഇടപെട്ടെങ്കിലും പരാതിയില്ലെന്ന കാരണത്താല് നടപടികൾ സ്വീകരിച്ചില്ല. കുട്ടിയുടെ രക്ഷിതാക്കള് സംഭവത്തില് പരാതിപ്പെടാന് തയ്യാറായില്ല . അതേ സമയം വനിതാ കോണ്സ്റ്റബിളിനെ അയച്ച് സംഭവത്തില് പെണ്കുട്ടിയുടെ മൊഴി രേഖപ്പെടുത്തുമെന്നും യുവാവുമായി പെണ്കുട്ടിക്ക് ശാരീരിക ബന്ധമുണ്ടെന്ന് കണ്ടെത്തിയാല് പോക്സോ ഉള്പ്പെടുത്തി കേസെടുക്കുമെന്നും പൊലീസ് അറിയിച്ചു.
ആന്ധ്രാപ്രദേശിലെ കെപി ദൊഡ്ഡി ഗ്രാമത്തിലാണ് ഈ സംഭവം നടന്നത് . പ്രായപൂര്ത്തിയാകാത്ത പെണ്കുട്ടി ബന്ധുവായ 20കാരനൊപ്പമാണ് ഇറങ്ങി പോയത്. എന്നാല് ഇവരെ കണ്ടെത്തി ഗ്രാമമുഖ്യന് മുന്നില് കൊണ്ട് വരികെയായിരുന്നു. കാമുകനെ തലകുനിപ്പിച്ച് പൊതുസ്ഥലത്ത് നിലത്തിരുത്തിയിട്ടാണ് പെണ്കുട്ടിയെ ചോദ്യം ചെയ്യുന്നത്. പെണ്കുട്ടിയെ ചോദ്യം ചെയ്തപ്പോൾ കിട്ടിയ ഉത്തരത്തില് കോപിതനായ ഗ്രാമ മുഖ്യന് പെണ്കുട്ടിയെ തല്ലുകയായിരുന്നു. ആദ്യം കൈ കൊണ്ട് അടിക്കുകയും പിന്നീട് വടിയെടുത്ത് പൊതിരെ തല്ലുകയുമായിരുന്നു.
https://www.facebook.com/Malayalivartha