ആറാം ക്ലാസുകാരനെ ചൂരല് കൊണ്ടടിച്ചതിന് ഇന്ത്യന് അദ്ധ്യാപകനെ ക്ലാസില് പൂട്ടിയിട്ട് ക്രൂരമായി മര്ദ്ദിച്ചു
മാലിദ്വീപിലെ, കുമുന്ധൂ ദ്വീപിലെ സ്കൂളില് വിദ്യാര്ത്ഥിയെ ശിക്ഷിച്ചതിന് ഇന്ത്യന് അദ്ധ്യാപകനെ ഒരു സംഘം ആക്രമിച്ചു. ഗുരുതരമായി പരിക്കേറ്റ ഇയാളെ മാലെദ്വീപിലെ ആസ്പത്രിയില് ഐസിയുവില് പ്രവേശിപ്പിച്ചിരിക്കുകയാണ്. വ്യാഴാഴ്ചയാണ് സംഭവമുണ്ടായത്. ക്ലാസിനുള്ളില് പൂട്ടിയിട്ടാണ് ഇയാളെ മര്ദ്ദിച്ച് അവശനാക്കിയത്. രക്തത്തില് കുളിച്ചുകിടന്ന അദ്ധ്യാപകനെ പ്രധാന അദ്ധ്യാപകന് മൂസാ ഹസ്സന്റെ നേതൃത്വത്തിലുള്ള സംഘമാണ് പ്രധാന ദ്വീപായ മാലെയിലേക്ക് കൊണ്ടുപോയത്.
തലയോട്ടിക്കും മുഖത്തിനും നട്ടെല്ലിനും സാരമായി പരിക്കേറ്റ ഇയാള് ഇപ്പോഴും ഐസിയുവില് നിരീക്ഷണത്തിലാണ്. റൗഫ് ഹുസൈനെന്ന കുട്ടി അനുസരണക്കേട് കാട്ടിയതിനാണ് അദ്ധ്യാപകന് തല്ലിയത്.
ഭൗതികശാസ്ത്രം പഠിപ്പിക്കുന്ന സുഭാഷ്കുമാറാണ് ക്രൂരമായി ആക്രമിക്കപ്പെട്ടത്. ഗ്രേഡ് ആറില് പഠിക്കുന്ന വിദ്യാര്ത്ഥിയെ ശിക്ഷയായി ചൂരല് കൊണ്ടടിച്ചതിനാണ് ആക്രമണം. അക്രമിസംഘത്തിലെ മൂന്നുപേരെ പോലീസ് അറസ്റ്റ് ചെയ്തു.
https://www.facebook.com/Malayalivartha
