സുജാത സിംഗിനെ വിദേശകാര്യ സെക്രട്ടറി സ്ഥാനത്തുനിന്ന് മാറ്റിയതിനെതിരെ കോണ്‍ഗ്രസ്. യുഎസ് പ്രസിഡന്റ് ബരാക് ഒബാമയുടെ സന്ദര്‍ശനം കഴിഞ്ഞയുടന്‍ വിദേശകാര്യ സെക്രട്ടറിയെ നീക്കിയതിന്റെ സാഹചര്യം വ്യക്തമാക്കണമെന്ന് കോണ്‍ഗ്രസ് വക്താവ് മനീഷ് തിവാരി ആവശ്യപ്പെട്ടു. ഒബാമ മടങ്ങുംവരെ സര്‍ക്കാര്‍ കാത്തിരിക്കാനുള്ള കാരണമെന്താണ്. കേന്ദ്രസര്‍ക്കാരിന്റെ തെറ്റായ നടപടിയാണെന്നും മനീഷ് തിവാരി പറഞ്ഞു. ഇതിനിടെ എസ്. ജയശങ്കര്‍ വിദേശകാര്യ സെക്രട്ടറിയായി ചുമതലയേറ്റു. ജയശങ്കര്‍ അമേരിക്കയിലെ ഇന്ത്യന്‍ സ്ഥാനപതിയായിരുന്നു. വിരമിക്കാന്‍ ഏതാനും ദിവസങ്ങള്‍ മാത്രമാണ് അവശേഷിച്ചിരുന്നത്. അതിനാല്‍ സേവന കാലാവധി രണ്ട് വര്‍ഷം നീട്ടിനല്‍കിയാണ് ജയശങ്കറെ വിദേശകാര്യ സെക്രട്ടറിയായി നിയമിച്ചത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha