ഇന്ത്യൻ പാസ്പോർട്ട് കൈവശമുള്ള പ്രവാസികൾക്ക് ആധാർ ലഭിക്കും ..അതേസമയം ഓ സി ഐ കാർഡുള്ള പ്രവാസികൾ ഇന്ത്യയിൽ ആധാർ പോലുള്ള രേഖയ്ക്ക് അപേക്ഷിക്കുന്നതും കൈവശം വെക്കുന്നതും നിയമ വിരുദ്ധമാണ്
പ്രവാസികള്ക്ക് ആധാര് നല്കാമെന്ന നിർദ്ദേശം ഇത്തവണത്തെ ബജട്ടിൽ ഉണ്ടായിരുന്നതാണ്. അത് പ്രവർത്തികമായതിന്റെ സന്തോഷത്തിലാണ് പ്രവാസികൾ..കാരണം ആധാറിന്റെ അഭാവത്തില് സര്ക്കാര് സേവനങ്ങള് ലഭിക്കുവാന് ഏറെ ബുദ്ധിമുട്ടുണ്ടായിരുന്നു.
അത്തരം പ്രശ്നങ്ങൾക്ക് പരിഹാരമായി എന്ന ആശ്വാസത്തിലാണ് പ്രവാസികൾ ..എന്നാൽ ഇവിടെ അറിയാതെ പോകുന്ന ഒന്നുണ്ട്.. ഇന്ത്യൻ പാസ്പോർട്ടുള്ള പ്രവാസികൾക്ക് മാത്രമാണ് ആധാറിന് അപേക്ഷിക്കാനുള്ള അർഹത ഉള്ളത്. ഇന്ത്യയിൽ നിന്നും വിദേശത്തുപോയി അവിടെ പൗരത്വം സ്വീകരിച്ചവർക്ക് ഇന്ത്യയിൽ ആധാറിന് അപേക്ഷിക്കാൻ അവകാശമുണ്ടായിരിക്കുന്നതല്ല.
ഇപ്പോൾ പ്രവാസികൾക്ക് ആധാർ ലഭിക്കും എന്ന പ്രസ്താവനയിൽ ഈ ഒരു കാര്യം വളരെയേറെ തെറ്റിദ്ധരിക്കപ്പെട്ടിട്ടുണ്ട്. ഇന്ത്യയിൽ രണ്ടു രാജ്യങ്ങളിലെ പൗരത്വം അംഗീകരിക്കുന്നില്ല. അതിനാൽ തന്നെ വിദേശ പാസ്പോർട്ടുള്ള ,അല്ലെങ്കിൽ വിദേശ പൗരത്വം സ്വീകരിച്ചവർക്ക് ഇന്ത്യയിൽ കുറച്ചു ദിവസത്തേക്ക് വരുമ്പോൾ ആധാർ എടുക്കാൻ പറ്റില്ല.
എന്നാൽ ഇന്ത്യൻ പാസ്പോർട്ടുള്ള പ്രവാസികൾക്ക് ഈ തീരുമാനം വളരെ ഗുണകരമാണ് . ഇതുവരെ ആധാർ ലഭിക്കണമെങ്കിൽ കാലതാമസം ഉണ്ടായിരുന്നു. അത് ഈ ഉത്തരവോടെ മാറി .. നേരത്തെ ഇന്ത്യയില് താമസിക്കുന്നവര്ക്ക് മാത്രമേ ആധാര് കാര്ഡ് എടുക്കാനാകു മായിരുന്നുള്ളു.
ആധാറിന് അപേക്ഷിക്കുന്ന തീയതിക്ക് മുന്പുള്ള ഒരു വര്ഷത്തില് 182 ദിവസമോ അതില് കൂടുതലോ ഇന്ത്യയില് ഉണ്ടായിരിക്കണമെന്ന നിബന്ധന ഉണ്ടായിരുന്നു. ഇത് നീക്കം ചെയ്ത് പ്രവാസികൾക്ക് ആധാർ കാർഡുകൾ വിതരണം ചെയ്യാൻ കേന്ദ്ര ബജറ്റിൽ ധനമന്ത്രി നിർമല സീതാരാമൻ നിർദേശിച്ചതിനെ പ്രവാസികൾ സ്വാഗതം ചെയ്തിരുന്നു. നിർമല സീതാരാമന്റെ ആ നിർദ്ദേശമാണ് ഇപ്പോൾ പ്രാവർത്തികമാക്കുന്നത്
ഇനി പ്രവാസികൾക്ക് നാട്ടിലേക്ക് വരുന്നതിനു മുൻപ് തന്നെ ആധാര് ലഭിക്കുന്നതിന് മുന്കൂട്ടി ഓണ് ലൈനില് പേര് രജിസ്റ്റര് ചെയ്യുവാനുള്ള സംവിധാനം നിലവില്വന്നുകഴിഞ്ഞു. കേരളത്തില് അക്ഷയ കേന്ദ്രങ്ങള് വഴി പ്രവാസികള്ക്ക് ആധാര് അപേക്ഷിക്കുവാന് സാധിക്കും.
അപേക്ഷകർ തിരിച്ചറിയൽ രേഖ, വിലാസം, ജനനതിയതി എന്നിവ തെളിയിക്കുന്നതിന് സാധുവായ പാസ്പോർട്ട് രജിസ്ട്രേഷൻ സമയത്ത് ഉപയോഗിച്ചാൽ മതിയാകും.
പാസ്പോർട്ടിൽ ഇന്ത്യൻ വിലാസം ഇല്ലെങ്കിൽ, വിലാസത്തിന്റെ തെളിവായി യു.ഐ.ഡി.എ.ഐ അംഗീകരിച്ച മറ്റേതെങ്കിലും രേഖകൾ സമർപ്പിക്കാം.അപേക്ഷ അതോറിറ്റിയുടെ വെബ്സൈറ്റ് വഴി ഓൺലൈനായി നല്കാം.രജിസ്ട്രേഷൻ പൂർത്തിയായാൽ അപേക്ഷിക്കുന്ന സമയത്ത് സമർപ്പിച്ച ഇന്ത്യൻ വിലാസത്തിൽ ആധാർ നമ്പർ അടങ്ങിയ കത്ത് അപേക്ഷകർക്ക് ലഭിക്കും
പക്ഷെ ഓർക്കുക ഇതെല്ലാം ഇന്ത്യൻ പാസ്പോർട്ട് കൈവശമുള്ള പ്രവാസികൾക്ക് മാത്രം ബാധകമാണ് .. ഓ സി ഐ കാർഡുള്ളവർ ഇന്ത്യയിൽ ആധാർ പോലുള്ള രേഖയ്ക്ക് അപേക്ഷിക്കുന്നതും കൈവശം വെക്കുന്നതും നിയമ വിരുദ്ധമാണ്
https://www.facebook.com/Malayalivartha
