ഐഎസ്ആര്‍ഒയിലെ മലയാളി ശാസ്ത്രജ്ഞനെ ദുരൂഹ സാഹചര്യത്തില്‍ സ്വന്തം ഫ്‌ലാറ്റില്‍ കൊല്ലപ്പെട്ട നിലയില്‍ കണ്ടെത്തി. 20 വര്‍ഷമായി ഹൈദരബാദിലാണ് സുരേഷ് ജോലി ചെയ്യുന്നത്. ഇസ്രോയുടെ ഹൈദരാബാദിലെ നാഷണല്‍ റിമോട്ട് സെന്‍സിന്‍ സെന്ററിലെ മുതിര്‍ന്ന ശാസ്ത്രജ്ഞനായ എസ് സുരേഷിനെയാണ് സ്വന്തം ഫ്‌ലാറ്റില്‍ കൊല്ലപെട്ട നിലയില്‍ കണ്ടെത്തിയത്. ഹൈദരാബാദ് നഗരമധ്യത്തിലെ അമീര്‍ പേട്ടിലെ ഫ്‌ലാറ്റിലായിരുന്നു സുരേഷും ഭാര്യ ഇന്ദിരയും താമസിച്ചിരുന്നത്.
മൂന്നു വര്‍ഷംമുമ്പ് ബാങ്ക് ഉദ്യോഗസ്ഥയായ ഭാര്യ സ്ഥലം മാറ്റി കിട്ടി ചെന്നൈയിലേക്കു പോയതിനു ശേഷം സുരേഷ് ഒറ്റയ്ക്കായിരുന്നു താമസം. മകന്‍ അമേരിക്കയിലും മകള്‍ ഡല്‍ഹിയിലുമാണ് താമസിക്കുന്നത്. ചൊവ്വാഴ്ച ജോലിക്ക് എത്താത്തതിനെ തുടര്‍ന്ന് സഹപ്രവര്‍ത്തകര്‍ ഫോണില്‍ ബന്ധപ്പെടാന്‍ ശ്രമിച്ചങ്കിലും ലഭിച്ചില്ല. തുടര്‍ന്ന് ഭാര്യയെ വിവരം അറിയിച്ചു. ഭാര്യ ബന്ധുവിനെ കൂട്ടി ഹൈദരാബാദില്‍ എത്തി. പോലീസ് സാന്നിധ്യത്തില്‍ ഫ്‌ലാറ്റ് തുറന്നപ്പോള്‍ തറയില്‍ മരിച്ചു കിടക്കുന്ന നിലയില്‍ കണ്ടെത്തുകയായിരുന്നു.

തല പൊട്ടി രക്തം ഒലിച്ചിറങ്ങുകയും ചെയ്തിരുന്നു. ഭാരമേറിയ വസ്തു കൊണ്ട് അടിയേറ്റാണ് മരണമെന്നാണ് സൂചന. വിവരമറിഞ്ഞ് മുതിര്‍ന്ന പൊലിസ് ഉദ്യോഗസ്ഥരും ഇസ്‌റോയിയിലെ സഹപ്രവര്‍ത്തകരും സ്ഥലത്ത് എത്തി. ഫ്‌ലാറ്റിലെ സിസിടിവി ദൃശ്യങ്ങള്‍ കേന്ദ്രീകരിച്ച് അന്വേഷണം പുരോഗമിക്കുന്നു.