പട്ടികവിഭാഗത്തിനെതിരെ ഉയരുന്ന അതിക്രമങ്ങൾ തടയാന്‍ ശക്തമായ നിയമം വേണമെന്ന നിർദേശവുമായി സുപ്രീംകോടതി. പട്ടികജാതി പട്ടികവര്‍ഗ നിയമങ്ങളില്‍ വെള്ളം ചേര്‍ക്കാനാകില്ലെന്നും സുപ്രീംകോടതി വ്യക്തമാക്കി. എന്നാൽ നിലവിലുള്ള നിയമങ്ങൾ അതുപോലെ തന്നെ തുടരുമെന്നും വിശദമാക്കി. കേന്ദ്രം എസ്‌സി എസ്ടി നിയമത്തിൽ നടത്തിയ ഭേദഗതിക്ക് സുപ്രീംകോടതി പൂര്‍ണ്ണ പിന്തുണ അറിയിച്ചിരിക്കുകയാണ്.

പട്ടിക ജാതി പട്ടികവര്‍ഗ വിഭാഗങ്ങള്‍ക്കെതിരെ നടക്കുന്ന അതിക്രമങ്ങള്‍ തടയാനുള്ള നിയമത്തില്‍ സുപ്രീംകോടതി മുന്നേ ഇളവുകൾ വരുത്തിയിരുന്നു. ദളിതര്‍ക്കെതിരെ ഉണ്ടാകുന്ന അതിക്രമക്കേസുകളില്‍ അറസ്റ്റ് ഉടനെ വേണ്ടെന്നും അങ്ങനത്തെ കേസുകൾ ഡിവൈഎസ്പി റാങ്കില്‍ കുറയാത്ത ഉദ്യോഗസ്ഥന്‍ അന്വേഷിക്കണം എന്ന നിര്‍ദ്ദേശങ്ങൽ സുപ്രീംകോടതി വിധിയിൽ ഉണ്ടായിരുന്നു. എന്നാൽ ഈ വിധിയെ മറികടക്കാന്‍ കേന്ദ്രസര്‍ക്കാര്‍ പാര്‍ലമെന്റില്‍ ബില്ല് പാസ്സാക്കിയിട്ടുണ്ടായിരുന്നു. പട്ടിക ജാതി പട്ടിക വര്‍ഗ കേസിലെ വിധി പുനഃപരിശോധിക്കാന്‍ സുപ്രീം കോടതി തീരുമാനിച്ചിരുന്നു.