ഗംഗയില് ഇനി വിഗ്രഹം ഒഴുക്കുന്നത് അനുവദിക്കില്ല.... വിവിധ ആഘോഷങ്ങളുടെ ഭാഗമായി ഗംഗ നദിയില് വിഗ്രഹങ്ങള് ഒഴുക്കിയാല് 50,000 രൂപ പിഴ
ഗംഗയില് ഇനി വിഗ്രഹം ഒഴുക്കുന്നത് അനുവദിക്കില്ല. ഗണേശ ചതുര്ഥി, ദുര്ഗാ പൂജ, ചാത്ത് പൂജ തുടങ്ങിയ ആഘോഷങ്ങളുടെ ഭാഗമായി ഗംഗയില് വിഗ്രഹങ്ങള് ഒഴുക്കാറുണ്ട്.വിവിധ ആഘോഷങ്ങളുടെ ഭാഗമായി ഇനി ഗംഗ നദിയില് വിഗ്രഹങ്ങള് ഒഴുക്കിയാല് 50,000 രൂപ പിഴ കൊടുക്കേണ്ടി വരും. ഇതുമായി ബന്ധപ്പെട്ട് 15 നിര്ദേശങ്ങള് കേന്ദ്രസര്ക്കാര് പുറപ്പെടുവിച്ചു. 1986ലെ പരിസ്ഥിതി സംരക്ഷണ നിയമത്തില അഞ്ചാം വകുപ്പ് പ്രകാരമാണ് നടപടി.
ഗംഗയില് ഇനി വിഗ്രഹം ഒഴുക്കുന്നത് അനുവദിക്കില്ലെന്ന് ദേശീയ ഗംഗ ശുചിത്വ മിഷന്, നദിയൊഴുകുന്ന സംസ്ഥാനങ്ങളിലെ ചീഫ് സെക്രട്ടറിമാരെ അറിയിച്ചു. ഉത്തരാഖണ്ഡ്, ഉത്തര്പ്രദേശ്, ത്സാര്ഖണ്ഡ്, പശ്ചിമബംഗാള്, ഡല്ഹി, ഹിമാചല് പ്രദേശ്, മധ്യപ്രദേശ്, ചത്തീസ്ഗഢ്, ഹരിയാന, രാജസ്ഥാന് തുടങ്ങിയ സംസ്ഥാനങ്ങളിലെ ചീഫ് സെക്രട്ടറിമാര്ക്കാണ് നിര്ദേശം നല്കിയത്.
ഓരോ ആഘോഷത്തിന് ശേഷവും വിഗ്രഹം ഒഴുക്കുന്നതില് സംസ്ഥാനങ്ങളിലെ ചീഫ് സെക്രട്ടറിമാര് സ്വീകരിച്ച നടപടികള് ഏഴ് ദിവസത്തിനകം അറിയിക്കാനും നിര്ദേശമുണ്ട്.
https://www.facebook.com/Malayalivartha
