ആത്മഹത്യ ചെയ്ത നാല്‍പ്പതുകാരന്റെ ഭാര്യ താനാണെന്ന അവകാശപ്പെട്ട് ഏഴ് സ്ത്രീകൾ. ആരാണ് ഭാര്യയെന്നറിയാതെ കുഴങ്ങി പോലീസും. ഹരിദ്വാറിലാണ് സംഭവം.ഒരു സ്വകാര്യസ്ഥാപനത്തില്‍ ഡ്രൈവറായി ജോലി ചെയ്തിരുന്ന പവന്‍കുമാർ എന്ന യുവാവ് വിഷം കഴിച്ച്‌ ജീവനൊടുക്കിയിരുന്നു. വിഷം കഴിച്ച്‌ അബോധാവസ്ഥയിലായ പവന്‍കുമാറിനെ ഭാര്യയെന്ന പറഞ്ഞ് ഒരു സ്ത്രീ ആശുപത്രിയില്‍ എത്തിച്ചിരുന്നു. പക്ഷേ ചികിത്സയിലിരിക്കെ അദ്ദേഹം മരിച്ചു. ഇതിന് പിന്നാലെയാണ് ഭാര്യമാരെന്ന് അവകാശപ്പെട്ട് മറ്റു സ്ത്രീകളും വന്നത്.

ഞാൻ പവന്‍കുമാറിന്റെ ഭാര്യയാണെന്നും മൃതദേഹം വിട്ടു കിട്ടണമെന്നുമാണ് എല്ലാ സ്ത്രീകളും ഒരേ സ്വരത്തിൽ പറയുന്നത് . ഇതോടെ ഹരിദ്വാർ പൊലീസ് ആകെ അങ്കലാപ്പിലായി. മരിച്ചയാളിന്റെ സ്വത്ത് ആഗ്രഹിച്ചാണ് സ്ത്രീകള്‍ എത്തിയതെന്നായിരുന്നു കരുതിയത്. പക്ഷേ പവന്‍കുമാറിന് സാമ്പത്തിക പ്രശ്നങ്ങള്‍ ധാരാളമുണ്ടായിരുന്നു. മാത്രമല്ല വിലപിടിപ്പുള്ള ഒന്നും തന്നെ അയാളുടെ പേരിലില്ല. ഇത് അന്വേഷണത്തില്‍ കണ്ടെത്തി. പവൻ കുമാറിന്റെ ബന്ധുക്കളെ കണ്ടെത്താന്‍ പൊലീസ് ശ്രമം നടത്തി. പക്ഷേ നടന്നില്ല. എന്നാൽ കാര്യങ്ങള്‍ എന്താണെന്നറിയാൻ പൊലീസ് സമഗ്രമായ അന്വേഷണം തുടങ്ങി.  മരണ കാരണവും അന്വേഷിക്കും.