ചെന്നൈയില് 13 കോടി രൂപയുടെ ജ്വല്ലറി കവര്ച്ച നടത്തിയതിന് പിടിയിലായത് ജാര്ഖണ്ഡ് സ്വദേശികള്
തിരുച്ചിറപ്പള്ളി ചത്തിരം ബസ് സ്റ്റാന്ഡിന് സമീപത്തെ ലളിത ജ്വല്ലറിയില് നടന്ന മോഷണത്തില് അഞ്ച് പേര് പിടിയിലായി.
ഇന്നലെ പുലര്ച്ചെ രണ്ടിനും മൂന്നിനും ഇടയില് മുഖം മൂടി ധരിച്ചെത്തിയ സംഘം പുറകുവശത്തെ ചുമര് തുരന്നാണ് അകത്തു കടന്നത്. 13 കോടി രൂപയുടെ മോഷണമാണ് നടന്നത്.
രണ്ടുപേര് ഫാന്സി മാസ്ക് ധരിച്ച് ഒന്നാം നിലയില് പ്രദര്ശനത്തിനു വച്ചിരുന്ന സ്വര്ണമെല്ലാം കവര്ന്നു. രാവിലെ ഒന്പതു മണിയോടെ ജീവനക്കാര് കട തുറന്നപ്പോഴാണ് വിവരം പുറത്തറിയുന്നത്.
ഒന്നാം നിലയിലെ ഷോക്കേസുകളിലെ സ്വര്ണം കാണാത്തതിനെ തുടര്ന്ന് തിരച്ചില് നടത്തിയപ്പോഴാണ് ചുമര് തുരന്നതായി കണ്ടെത്തിയത്.
സിസിടിവി കാമറയില് പതിഞ്ഞ ദൃശ്യങ്ങള് പരിശോധിച്ചതോടെ കവര്ച്ച സ്ഥിരീകരിച്ചു. 35 കിലോ സ്വര്ണവും വജ്രാഭരങ്ങളുമാണ് മോഷ്ടിച്ചത്. തെളിവുകള് നശിപ്പിക്കാനായി ജ്വല്ലറിയിലാകെ മുളകുപൊടി വിതറിയാണ് കവര്ച്ചക്കാര് സ്ഥലം വിട്ടത്.
https://www.facebook.com/Malayalivartha
