ചിദംബരത്തിന്റെ കസ്റ്റഡി ഒക്ടോബര് 17 വരെ നീട്ടി
03 OCTOBER 2019 08:07 PM IST
മലയാളി വാര്ത്ത
മുന് കേന്ദ്രമന്ത്രി പി.ചിദംബരത്തിന്റെ ജുഡീഷ്യല് കസ്റ്റഡി ഒക്ടോബര് 17 വരെ നീട്ടി. ഡല്ഹിയിലെ പ്രത്യേക കോടതിയാണ് ഐ.എന്.എക്സ്. മീഡിയ കേസില് ചിദംബരത്തിന്റെ കസ്റ്റഡി കാലാവധി നീട്ടി ഉത്തരവിട്ടത്. അതേസമയം, അദ്ദേഹത്തിന്റെ ആരോഗ്യപ്രശ്നങ്ങള് കണക്കിലെടുത്ത് വീട്ടില്നിന്നുള്ള ഭക്ഷണം ജയിലില് എത്തിക്കാന് കോടതി അനുമതി നല്കി. ഇക്കാര്യത്തില് എതിര്പ്പില്ലെന്ന് സി.ബി.ഐ.യും കോടതിയെ അറിയിച്ചു.
ദിവസവും രണ്ടുനേരമാണ് വീട്ടില്നിന്നുള്ള സസ്യഭക്ഷണം ചിദംബരത്തിനായി ജയിലില് എത്തിക്കുക. ഇതിനുപുറമേ ചിദംബരത്തിന്റെ അഭിഭാഷകര് ആവശ്യപ്പെട്ടതുപ്രകാരം ദിവസവും വൈദ്യപരിശോധന നടത്താനും കോടതി അനുവാദം നല്കി.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
